Wiktenauer logo.png

Page:Der Altenn Fechter anfengliche kunst (Christian Egenolff) 1531-1537.pdf/8

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Regel.

Haw gegen seinem streych durch, und tritt mit dem rechten fuß inn Triangel, damitt du dich fast entblössest, Ursach, das er deiner blösse zuschlahe, Darnach trit mit dem lincken fuß, und schlahe mit der handt nach.

Von vier blößen.

Vier Blösse wisse
 Zuraumen, so schlegstu gewisse,
On alle fahr,
 Wie er gebar.

Vier Blöße brechen.

Wiltu dich rechen,
 Die vier Blöße kunstlich brechen,
Oben duplier,
 Unden recht mutier.
Ich sag dir fürwar,
 Sich schützt keyn man on fahr.
Hastu mich vernommen,
 Zu schlag mag er nit kommen.

Schlaudern.

Schlaudern nim auß der obern hut, Haw gegen ihm mitt der langen schneid auff sein linck ohr, Versetzt ers, thu als ob du zucken wöllest, und bleib mitt der kurtzen schneid an seim lincken ohre, Zuck und Schlauder von unden mit der fleche an sein rechtes ohr.

Bruch.

Ob dir ainer zu schlaudert, laß den ersten streych abschneiden, unnd versetz den andern von oben nider mit deiner langenn schneid, so magstu ihn bestecken oder dempffen.

Durchschiessen.

Durchschiessen magstu auch nemen auß dem Hohen Ort, Haw vonn oben nider, unden durch die Rosenn, mitt verkerten henden und kurtzer schneid, in sein angesicht, Laß kurtz ablauffen mit der langen schneid nachtretten.