Schilt kurtz er dich an,
Durch wechsel ihm gesiget an.
Schilch zu dem ort,
Und nim den halß on forcht,
Schil zu dem haupt oben,
Wiltu betoben.
Das Kurtz und lang mein vorraht ist.
Beschütz mich des zu aller frist,
Daraus ich all mein Arbeit treib,
Zur Klingen stercke, glat am leib
Darinn dein sterck empfinden kan,
Mit schwech dirs brich von stunden an.
Verfellest dich, hab acht gar drat,
Was mich mein meyster gleret hat.
Von Zucken.
Tritt nahend inn Bundt,
Zucken geben gut fundt,
Zucke, Trifft er, Zuck meh,
Arbeyt, das thut im we.
Zuck alle treffen,
Wiltu die meyster äffen.
