Wiktenauer logo.png

Page:Cod.Guelf.38.21 Aug.2º 053r.jpg

From Wiktenauer
Jump to navigation Jump to search
This page needs to be proofread.

so setz dem lingkhen fuss vor, und stehe in der huet vom tag, und sich gar eben was er gegen dir ficht, hauwet er dir oben glenckhs ein von seiner achsel, dz versetz im nit und wart dz er dich mit dem hauwe nit uberlang und trukh merkh dieweil sein schwert mit hauwe und sich get gegen der erden, so spring ein zu der blos seiner rechte seitte ehe dz er mit dem schwert auf kumbt so ist er geschlagen.

Das stuckh haisst die esuine ruine fort.

Item wan er sich verhaut, und du im nach hauwest, fert er dem auff mit dem schwert versetzt, so bleib mit der langen schnied starkh auff dem schwert, hebt er dann mit dem schwert ubersich. so spring mit dem lingkhen fuss hinder sein rechten, und sclag in mit der zwerch oder sonst zu dem kopff seiner rechten seitten und arbait widerumb zu seiner lingkhen mit dem dupplieren, oder sonst mit andern stuckhen darnach als du empfindst, ob er waich oder hart im schwert ist.

ain ander stuckh

ITEM wan er sich vor dir verhauwet, und du im nach hauwest bindest dem auff sein schwert gegen seiner langkhen seitten schlecht er den aus oder versatzung bald und mit der zwerch. dir zu der rechten seitten an sein hals, oder spring mit dem lingkhen fuss auff sein rechte seitten und hauwe sein hauwe auch nach zu seiner rechten seitten oder treibt den schneid uber sein arm zu dem kopff.

Gut nachraisen

Item wan du gegen im fichst aus den underhauwen oder aus den straichen oder ligst gegen im in der huet, und er aber auf ficht mit dem schwert und das wan du auffkomest so bleib under am schwert und heb ubersich will er dann aus versatzung ein hauwen oder am schwert einhauwen, so las in von dem schwert mit abkomen und folg im davon nach, und arbait damit zu seiner blos am erhste.

Item du solt aus allen hauwen und trit allen hutten, nach raisen als bald du komest, wan er sich von dir verhauet oder entpflegt mit dem schwert.