Niderlegenn
Der sprung Im Tussecken vorm Niderlegen
Zeuch auf beiden seitten auf mit dem sprünglein mit verfallung hinden auss geschlagenn, vnd gehe mit kurtzer schneidt Inn der hoch vber den kopff, vnnd stich nider zu dem Lincken fuss, darnach wider mit langer schneid der beidenn hendt gehalten vbern kopff den sprung gethan, ein fuss vmb den andern gesprungen volgt dz
Niderlegenn
Zum Ersten trit mit dem Linckenn fuess, vnnd schnel vonn oben vnden hinein, wend dich vnd spring mit dem lincken fuss an des lincken stat, duplir an der rechten seitten zum sprung mit der schneid, thue das sprüng: von dem achsel vbern kopf verfall zum stich nider, mit beyden füssen zusamen darnach wider von einander, vnd letzlich schlach durchauss, zum sprung, wie du waist.
