Wiktenauer logo.png

Page:2º Cod.MS.Philos.62 36r.jpg

From Wiktenauer
Jump to navigation Jump to search
This page contains changes which are not marked for translation.

This page needs to be proofread.

Zur 33. figura explicatio vom arm rencken

In dieser figura gedencket der Autor eines scheuslichen armrenckens oder armwindens von welchen beÿ der 7. figura das ganze fundamenta stehet, wie man den arm vom leibe oder zum leibe winden vnd rencken kan, weil aber dort alleine stehet, wie der arm vom leibe gewunden wird, wollen wir das vbrige bei dieser figura erkleren, also, wen ich aber einen andern seinen rechten arm zue seinem leibe ziehe winden will greiffe ich mit meiner verwandeten lincken hand, seine rechte vnd winde vber sich von seinem leibe, vnd mit meiner rechten greiffe ich auswendig an seinen rechten elbogen, scheube mit der lincken von mir, vnd ziehe mit der rechten zue mir, vnd kome gerade fur ihme mit gebogenem oder gesenkedem leibe zue stehen, vnd kan ihme auch also den arm zue brechen oder ihn ferner nach dem gewichte vnd schweche des leibes angreiffen vnd vber die halbe oder ganze huffe zue bodem werffen, kan auch lincks vnd rechts zue beiden seiten gebrauchet werden.