Dolchen Fechten vnd Ring stuck ⁋
Ihm dolchen sein dreÿ Hutten nhemlich die oberhutt vnd vnderhutt zu beiden seitten die 3. hutt ist vor dir auff dem furgesetzten schenckel oder brust mit gekreutzigten henden, oder sunst mit beidenn henden nhaer beisamen
Item von dir sein nhur dreÿ stich als ober vnder vnd zwerchstich, Am gegenman findestu aber Sieben blossen als Aucken, Kelen, Vchsen, Gelenck, Handtschuch, Kniekelen, gemecht, wiewol man sie nit all mit blossem leib braucht sonder Im harnisch mit dem kampf Dolchen. ⁋
Die erst Hutt
Sthe mit dem Rechten vor, den Dolch vber dem Haubt, das die spitz dem man ins gesicht sthet.
Item sticht dir einer es seÿ vnder oder uberuch[en], so stich ihm von oben mit dem threner durch, den andern durch das Kreutz wider hinein, den dritten ein Zwirch stich durch sein Lincke, fhar mit dem knopf von deiner lincken wider vberstich in die vor genandt hutt mit einem Durchriß[en]. ⁋
