auff den prannt grunspan gepunden. vnd thue das drey tag. vnnd thue dem huff dasselb. so wirdt es gesundt.
Welliches Roß ein zerprochen Ruckh hab. nymb verprännt alt soln zu puluer. vnnd sä jms auff den pruch. mustu aber reiten. so schneid den polster auff. ain wenig weitter. vnd leg wermut darüber. vnd reit. so hailt es darunder gar kürczlich.
Item welliches Roß pauch streng ist. so nymb hanff Öl vnnd hundsplut. vnd salb jm die Adern an der prust. so wirt es gesundt. ~
Wenn man den Roß die Dillen auff wirfft. ein krots prosem. gemischt mit salz. geleich vnd pind es darüber ein nacht. vnnd des andern tags wirff dann grunspan vnd truckhen laim recht verprunnen. vnd pind den darauff. auch vbernacht. vnd thue das drey nächt. so wirdt es gesundt.
Welliches Roß vernagelt ist. so nymb hirß wol gepotten mit haissem schmer. vnd prich das eisen ab. vnd pind jms vff den fu. vbernacht. so magstu es beschlagen vnd reit(en)
Wellichs Roß geschossen ist. das man den pfeil nit gewinnen mag. so nymb ein krebsen. vnd stoß den mit haissen, schmer. vnd pind jms auff die wunden. so zeucht es den pfeil vbernacht auß vnnd wirdt gesundt.
Du solt wissen. das zwayerlay wurm ist. der erst hebt sich an dem pain zwischen der knieen vnd der hüfft. der haist
