Item die zwein vnter schnid die gehoren zů triben gegen den vechtern die do In lauffentt mit auff gerechten armen vnd die tribe also wan er dir an din schwert bind es sÿ mit versatzüng aber sunst vert er dan hoch vff mit den armen vnd laufft dir in zu diner lincken siten so verwind din schwertt dz din thümen vnten ckümen mit der langen schniden vnter sin gehultz In sin arm vnd trück mit dem schnid vber sich
oder laufft er dir ein mit vß gerechten armen zu diner rechten siten so verwind din schwertt dz din thümen vnten chümen mit der kurtzen schniden vnter sin gehultz in sin arm vnd truck mit dem schnidt vber sich dz sint die vier schnidtt ~
¶ den schnidt den wendd
Den schnidt den windt
Zů flehen trueck dein hendt
Daß ist wie du die obern schnidt solt wechseln ausß den vntern dz merck also wen er dir ein laufft zu diner lincken siten mit vff
