wol vff die rechten siten vnd schlag in mit der langen schniden vß gekrutzten armen vber sin hende ~
alliud ~
Item den krümpt haulb soltu auch triben vß der schranck hutt von beiden siten vnd in die hutt schick dich also wan du mit dem zu vechten zu dem man kümpst so setz dinen lincken fus fur vnd halt din schwertt mit dem ortt neben diner rechten siten vff der erden dz die lang schnid am schwertt oben gewant sÿ vnd geb dich also ploß mit der lincken siten hautt er dir dan zu der ploß oben yn So spring vß dem haulb mit dem rechten fus wol vff die rechten siten gegen Im vnd stos mit der lincken hant den knopff dines schwerttz vnter din rechten arm vnd schlag im mit gekrutzten henden vß der langen schniden mit dem ortt vff sin hende ~
Item also schick dich mit der schranck hut zu diner lincken siten wan du mit dem zu vechten zu dem man kümpst so setz diner rechten fus fur vnd halt din schwertt mit dem ort neben diner lincken siten vff der erden mit gekrutzten henden dz die kurtz schnid am schwertt oben sin vnd gib dich mit der rechten siten ploß hautt er dir dan zu der ploß
