rechten fus fur in so wirfstu in und prichstu im den arm ab und get vo~ peÿden seÿten
Item wen dich ainer also gefast hat und baid arm in ain ander geschlosen hat und mit dem fus fur wil treten so greÿf bald mit deiner rechten hand in dein dencke und zeuch vast her für wartz so brichst im den arm̃ ab und get vo~ peÿden seyte~
Item ringst mit einem starcken gleychß vasens so wart wen er dich wil zu im tauchen oder trucken das du im seinen rechten arm̃ mit deinen paiden armen vasest und setz im dein achsel starck hinder sein rechtz uchsen in die rast, wil er dich dan mit gwalt uber dringen so wart das du im ainen fus ergreÿfst daß get vo~ paiden seÿten zu
Item ist dir ainer zu starck und wil dir ainen fus mit gwalt auf heben so schleus im eine~ hacken so dir ainer den hacken ein schleust so hab in oben zu dir und beb in auf und schlag in mit den geschlosinen iesen an sein ledigen fus, so felt er an rucken daß get zu paiden seÿten
