Ein armpruch gogen ainem Einschiessen
Item wann du mit Dem zufechten zu dem Man kompst. so trit mit deinem rechten fuosz hinein vnd haw Im oben lanngein zu seinem haupt. begert er dir das. zuversetzen. so haw dich Inn den windhaw vnd trit mit deinnem Rechten schennckel zuruckh vnd haw. Im nach seinem rechten. arm. hawt er dir also. nach deinem rechten arm vnd du mit deinem rechten fuosz vorsteest. so versetz Im das mit deinner lanngen scheid / Indes haw Im von vnnden nach seiner rechten seitten. versetzt er dir das furbas so such Im behend die nechsten plösse. Sucht er dir deine plossen also. so gee auf In die zwirch wol vber dein haupt das dein lincker fuosz vorstee. vnd haw Im nach seinnem rechten arm. versetzt er dir das. so haw Im lanngein nach seiner rechten seitten. hawt er dir also zwifach ein so versetz Im das vnd trit mit deinem rechten schenckel auf seinen rechten vnd scheusz Im den Ort zu seinem gesicht. scheust er dir den ort also zu deinnem gesicht. so verscheub Im das. mit deiner langen schneid Indes trit mit deinem lincken schenckel hinein vnd fall mit deinnem gehultz vber seinen rechten arm greiff mit deiner lincken hand an seinen rechten Elenpogen. vnd wend dich auf dein lincken seitten. so prichstu Im den arm. vnd magst In auch werffen.
