AN dem ersten ist zu mercken das alle kunst des gesigs ist an dem tag der einem ÿtlichem namen zügehört / Wisßet auch das die hohen meister alle gemeinglich die namen geteÿlet haben In zweÿ teyle / Den ersten vnnser frawe~ namen der Junckfraw marie zugehört / Vnd den anderñ teyle sant Jorgen Also welcher name vnnßr frawen zugehört der an Irem teÿl stet den heyßen sie vnßr frawen bruder / Vnd welcher an sant Jorgen teÿle stet / den heißen sie sant Jorgen bruder bruder sind Daraüff wisßet alle namen die vnnser frawen brüder sind haben dreÿ tag In einer ÿtzlichen wochen gantzen sygk Vnd den Süntag / nach mittag So haben sant Jorgen brüder aüch dreÿ tag in einer itlichen wochen gantzen sygk vnd den Süntag vor mÿttage :·
Item der Eritag Pfincztag / vnd Sampßtag vnd der süntag nach mÿttag gehört vnnser frawen brüder zü
Item der montag Mitwochen freytag vnd suntag vor mittag gehört sant Jorgen zü
NV ist zu wisßen wenn einer aüsspricht vnd mutwilt ist es zü dem ersten So sal er gar wol mercken das er an seinem tag an hebt vnd der schreiber der den brieff schreibt aüch sein bruder seÿ Vnd der bote der den brieff tregt aüch sein bruder seÿ Vnd auch an seinem tag seÿ der Im zü gehört vnd thut er das so ist er an allen zweiffel sicher das er den sygk hat vnd gewyñet Er sal sich auch der sache fleisßen / Das er keinen tag / ver czele ader vberhüpff
Item mer ist zu mercken Welcher bruder seinen bruder anspricht an dem tag der In beyden zü gehört das der anclag° nyder liegt an allen zweiffel mag es aber einer nicht vertragen gesein Er wölle ye mit seinem bruder mütwillen So sal er die anderñ tag die Im nicht zugehören erwelen als
