Dem sper sprycht
gegen reiten macht tzu niecht
Glosa
Item du solt wysen, wen eynner auff dyech reith mit eynner gleffenn, wye du dych gegen im schycken solt mith deynner gleffenn, also das du im dye seynnen mit ableytest und mith deynner treffest; und dye kunst solt du threyben auser vier schyckung oder hiuten; merck der hut seynt drey mitt der gantzen gleffen und eynne mit der halben
Item schyck dych also mit der ersten hut
fyr deyn gleffen auff das lengst under deynen arm und halt im den orth gleych gegen dem gesycht
Item also schyck dych mith der ander hut
vas dye gleffen als vor und thu, als sye dyr zu schwer sey; und senck sy nyder zu deynner lincken seyten und halt sye neben deynnem ros hals
Item dye tryte hut
vas dye gleffen mith baden henden in der miten und lege sye fur zwer auff den satel
Dye vyrde hut geth aus der halben gleffen, do soltu mit schycken, vas deyn gleffen auff das lengst under den arm und halt im den ort gegen den gesycht
Item auch magestu dye halbe gleffen in der mith vassen oder halten mith baden handen und fur dych legen als dye lange
Item dye stuck, dye aus den vier huten gen, dye du hernach wol heren wirst, dye soltu menlich treybenn mit sterck
figura
Item darumb sprycht dye eynundtzwentzigiste figur: Dye sterck in deinem anheben dar in dych recht schyck
