Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/337

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

Wie du jhm mit hangender klingen außschlagen und nach stechen solt.

AUch magstu das ende des fúnfften hievor gesetzten stuck / auch auß diser Vnderhůt auff solche weiß gegen der geraden Versatzung brauchen / Also erhebe dein Wehr auß der rechten Vnderhůt neben deiner Rechten vbersich / vnd trit dieweil mit deinem Lincken fůß gegen seiner Rechten zůr seiten auß / vnd schlage hiemit sein klingen mit deiner inwendigen fleche / von deiner Lincken gegen deiner Rechten / zwischen dir vnnd jhm auß / also das in solchem außschlagen dein klingen vndersich hang / vnnd dein Knopff vbersich stand / so bald das außschlagen geschehen / so spring noch ferner gegen seiner Rechten vmb / vnnd Stich jhm behend ehe dann er sich von dem außschlagen wider erholt / zů seinem gesicht.

Wie du mit den Háuwen von einer seiten zůr andern vmbwechseln solt.

DAs mercke wann du in die rechte Vnderhůt ankommen bist / vnnd dein gegen fechter hauwet oder sticht von Oben auff dich her / so Hauwe mit Langer schneide schlims von vnden starck vbersich / gegen seiner herfliegenden klingen / vnd gegn deiner lincken Achsel ganz durch / ja so starck das dein Wehr eben in demselbigé schwung gegen deiner Lincken vmb dein Kopff wider ablauffe / zů in dem allem dein Gefeß vollen vmb den Kopff / vnd hauwe den andern auch von deiner Rechten / schlims von Oben durch sein lincke Achsel / zů solchen beiden háuwen soltu alwegen mit den fússen jm tretten weit von einander komen / auff das du mit dem obern leib den háuwen nach / desto weiter zůlangen kónnest / demnach wann du nun mit dem andern Hauw zů deiner lincken Vnderhůt komen hist / vnd er hauwet oder sticht abermals auff dich her / so Hauwe auch aus diser Vnderhůt / gleich wie aus der vorigen / von vnden gegen deiner vnd seiner Rechten / wie auch gegen seiner herfliegenden klingen vbersich / vberort starck durch / also das dein klingen Oben neben deiner Rechten ablauffe / vnnd zůcke dein Wehr von