Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/287

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

von seiner Rechten von vnden oder Oben / gegen deiner Lincken dir zů hauwet / so mercke in dem er sein Arm außstreckt zům streich / so erhebe dein Wehr mit jm zůgleich / doch also das in solchem erheben dein kling vbersich von dir aus / vnd dein gefeß vndersich gegen dir stande / in solchem allem tritt zwifach aus seinem hauw gegen seiner Lincken / vnd Hauw nach ausweisung der auffrechten Lini zů seiner Rechten / mit Langer schneid vnd gesencktem gefeß / sampt einem weiten zůtrit deines Rechten fůß von Oben / so triffestu auff die sterck seiner klingen / also das du in solchem Dempffen dein oberer leib dem hauw nach / wol fürsich vber dein gebogen Kni vndersich sencken werdest / auff das dein gefeß jm herab fahren etwas vor deiner klingen / mit ausgestrecktem Arm zůr erden kom / entzuckt er dir aber die Kling vnder der deinen herfúr / vnnd fúhret wider einen andern gegen deiner Rechten / so spring in eil zwifach mit beiden fússen wol gegen seiner Rechten vnd Hauwe abermal von Oben / auswendig vber seinen rechten Arm / in solcher maß wie vor / doch das der hauw nach seiner Lincken auffrechten Linien (wie der vorig nach seiner Rechten Lini) gericht sey / so triffestu aber auff sein sterck / also kanstu mit dem Oberhauw aus allen Legern Dempffen / so lang biß du ihn damit sein Arm dermassen schwechst vnd múde machest / also das du jhm als dann leichtlich zům leib Fechten kanst.

Durch gehn.

ISt nichts anders dann wan du jhm in dem er sein kling herfúhret / vnder seiner klingé durchfarest gegen der andern seiten / vnd als dann von derselbigen sein herfliegenden streich abfúrest gegen derselbigen seiten / bey welcher du erstlich dein Wehr hieltest / also fúhrest du dein wehr in der rechten Vnderhůt / so merck aldo in dem er sein Wehr zům stich oder hauw herfúhret / so