Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/197

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

Das dritte stuck / Wie du auß dem Stier / so er dir außwendig / das ist zur Rechten zuhauer versetzen / vnd nachhauwen solt.

HAuwet er dir aber zu deiner Rechten seitten / so du im Stier stehest / es sey Vnden oder Oben / so tritte mit deinem rechten Fůß gegen seiner Rechten / zur seitté auß zu jhm / vnd streck deinen Dusacken gegé seiner Rechten von dir / laß in solchem fortschiebé dein vorder Ort gegen der Erdé hangen / vnd weise jm also mit hangendem Dusacken / seiné streich von deiner Lincken gegé deiner Rechten / ab / diser absatz vnnd außtrit sollen mit einander geschehen. Als bald dein Hauw also an die außwendige fleche deines Dusackens im versetzen rúret / so zuck deinen Dusacken von seinem wider vbersich gegen deiner Lincken ab / zum streich vnd hauwe außwendig vber seinen rechten Arm / zum Kopff / zu solché Hauw tritt auch ferner gleich mit vmb gegen seiner rechten / oder weñ du jm / also mit dem hangendé Dusacken seinen streich durch den Bogen hast abgesetzt / vnnd er von deiner Versatzung auffzeucht zuhauwen / so trit mit einem zwifachen Trit / wol auff seine Rechte seitten auß / vnd zu gleich solchem außtretten / zuck deinen Dusacken vbersich vmb deinen Kopff / vnd hauw mit krummer Schneid von deiner Rechten vnder seinem Dusacken / schlims vbersich zu seiner inwendigen Spindel oder Flech / wie in diser nachgesetzten Figur zusehen / diser Vnderhauw muß gescheben / in dem er auffzeucht zuhauwen / das dein Dusack zu deiner lincké Achsel kom / von dañen hauw zwen Streich / durch dz kreütz lang nach.

Das viert stuck ist ein Regel / in welchem gelert wirt wie du alle Háuw / sie kommen von Rechter oder Lincken / in allen Legern sicher auffangen solt.

DIses ist ein gůte Regel / das wo du mit fleiß / oder durch verhauwen / in der Leger eins komen werest / vnd hauwet er dir eilends vñ vnuersehen nach / so fahre auß demselbigen Leger mit dem Ort gegen seinem Gesicht / doch das in solchem fürtschieben dein Lange schneid gegé seinem herfeligenden Streich den