Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/173

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

Gefehr Hauw.

Gefehrhauw / den treib also / wann du im zúfechten für / den Mann kompst / hab acht / so bald du jhn thrauest zu erlangé / so merck fleissig wañ er hauwen will / Jn dem er dañ sein Dauscken auffzuckt zum streich / so hauw jhm neben sein gehültz (in dem er sein Dusacké noch in der hóhe hat) von oben zu dem Gesicht oder Brust / diser Gfehrhauw muß mit fürsichtigkeit gethon sein / anders ist er gefehrlich / daher er auch Gesehrhauw genennt wirt.

Entrüsthauw.

Entrüsthauw wirt auch auff mancherley weiß volbracht / auch mit zweyerley namen genent / als Rückhauw / darumb das er di Oberháuw aufffangt in der Lufft / vnd auffhelt wie ein getrüst / Entrüst wirt er darumb genent / das er so vnuersehens vnd ernstlich kompt / als werest du mit zorn vnuersehenlich gegen jhm entrüst worden / also seinen Háuwen zúbegegnen / den treib also: Hawt einer auff dich / von Oben / so merck: Jn dem er seinen Dusacké in die lufft zeucht zum streich / in dessen zuck behendt auch vmb dein Kopff / vnd hauw vberzwerch ein wenig von vnden / vbersich gegen seim Hauw / das du sein Hauw noch Oben in der lufft aufffangest / mit langer schneid vnd vberzwerchem Dusacken / also das dein Dusack zwischen dir vnd jhm vberzwerch stande / wie das grósser Bild in diser Figur zúr Rechten anzeigt / Jn dem die Dusácken also zúsamen rúren / kanstu vil schóner suck machen / rc. ferner wirt er auch auff dise weiß gemacht / Stand mit dem lincken Fúß vor / halt dein Dusacké im Eber / wie du denn hienach findest / hauwt er von Oben / so fahr auff mit beyden Armen zu versatzung / also das dir dein Dusacken mit dem ruck auff dein lincken Arm zu ligen kome / vnd spring jm vnder sein streich / Jn dem es glützt / so stich jhm ausserthalb seim rechten Arm zum Gesicht / tritt ab / vnd hauw als dann gegen seiner