Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/102

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

Langort.

Langort ist bey den Alten eigentlich das Brechfenster genant worden / darumb das alle andere stuck daraus gebrochen werden kónnen / dieweil aber (was man bey einem gleichen aus disem Leger Fechten sol) gnugsam aus bisher gelehrten stucken abzunemen ist / will ich (dieweil das Langort ohne das das ende aller Bandt ist) etwas von demselbigen durch Exempel anzeigen.

Im zůfechten so binde deinem gegenman durch den Oberhauw an sein Schwerdt / vnnd merck als bald er von deinem Schwerdt wider vbersich fehrt so hauwe jhm in dem er mit seinen Armen im aufffahren ist / von Vnden zwischen sein beiden Armen zům kiinn / von disem stuck besihe die zwey obern kleinern Bilder / zůr Lincken hand in der Figur so mit dem Bůchstaben I. gezeichnet.

Item bind jhm an wie vor / vnnd als bald die Schwerdter im Band zůsamen růhren / so brich mit er Rosen zwischen dir vnd jhm vnden durch / vnnd wirff jhm die kurtz schneid auff der andern seiten hinein zům Kopff / oder nach dem du vom Band mit der Rosen vnden durch gebrochen hast / so reiss von der andern seiten mit der kurtzen schneid sein Schwerdt beseits aus / also das sich deine hend in der lufft vber einander schrencken / schlage jhm mit kurtzer schneid dieff vber zům Kopff.

Item bind jhme gegen seinem herfliegen hauw ahn / vnd so bald die klingen zůsamen rühren / so stoß dein knopf vnder deinem rechten Arm durch (auch trit vnder des wol gegen seiner Lincken seiten aus) vnnd fahr also mit geschrenckten henden vbersich / vnd hauwe jhm mit Langer schneid durch die Rosen von vnden beseitz hinder seinem Arm zům Kopff.

Item / merck in dem du dem Mann anbindest / so laß die Lincke hand vom Knopff / vnnd begreiff damit sein kling im Bandt zů der deinen / vnd das behend / demnach fahr mit deiner Rechten hand sampt dem Hefft / vnden durch vnd schlag also gegen deiner Rechten vbersich / wie du solches an den zweyen kleynern bossen zůr Rechten hand in der Figur H. sehen kanst / so nimstu jhm das Schwerdt.