Wiktenauer logo.png

Page:Der Altenn Fechter anfengliche kunst (Christian Egenolff) 1531-1537.pdf/50

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

rechten, und wend dich starck uff dein recht seitten.

Hawet er auff dich rechtens,
 Entrüst und wardt fechtens,
Mit linck seinen rechten fahen,
 Recht überschlag, so mag dir kein schad nahen.

Gehe starck auff ihn mit dem Entrüsthaw, fahe seinen rechten arm, mit deim lincken arm odder handt, kere dich umb, und laß dein messer fallen, unnd far ihm unden durch den arm, unnd schlahe ihm deinen rechten arm außwendigs ins gelenck des elnpogens, zuck den an dein brust, leg dich starck mit dem leib daruff Wiltu ihn dann werffen, so schreit mit deinem rechten fuß hinder seinen lincken.

Bruch.

Wil er überschlagen im vechten,
 Uberschlagen den rechten,
Dann soltu durchfaren,
 Er ist gefangen, als in einem garen.

Greifft er dir mit seiner lincken verkerten handt in dein rechte &c. Laß dein messer fallen, reiß dein rechte handt innwendigs auß seinr lincken, und fare unden durch seinen lincken arm, wende dein recht seit an sein lincke, wirff ihn starck über dein hufft.

Ein Beschliessen.

Recht mit linck arm lern beschliessen,
 Halt ihn vast zu verdriessen,
Mit messer lern arm dauchen,
 Wiltu der beschliessen gebrauchen.

Hawt er oben, Haw zugleich mit einem Entrüst haw, komm nahend an ihn, das die hend einander rüren, In des halt deinenn rechten arm starck an seinem, schlahe in des deinen lincken arm über seinen rechten in das glenck des elnpogens außwendig, Far