Wiktenauer logo.png

Page:Der Altenn Fechter anfengliche kunst (Christian Egenolff) 1531-1537.pdf/40

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

streych auff ihn.

Regel mit leren henden.

Wann dir einer begegnet mit einem schwert oder thesack oder anderer wehre, unnd du keyn wehr hast, so schaw eben auff seinen streych, und trit inn triangel, oder inn falschen trit, unnd greiff mit deiner rechten handt über sein rechte handt, und mit deiner lincken handt greiff an seinn rechten elnpogen, nim ihm den schwangk, und schlaudern auff die erd.

Ein anders.

Wann dir einer zusticht mit seinem tesacken vonn unden, so fall ihm mit der lincken handt auff seine rechte handt, unnd halt die fest, und greiff mit deiner rechten verkerten handt unden inn sein messer, unnd wende ihm sein messer von unden auff mit der spitz gegen seinem leib, und lauff mitt deiner brust hinden an das messer, so stichstu ihn mit seiner eygenen wehr.

Schlüssel.

Wann einer auff dich sticht, mitt einem messer, tolchen odder pfrimen, unnd du in deinen henden keyn wehr hast, so stehe still, und leg deine arm creutz weiß über einander, vornen für dich, daraus magstu auffschliessen alle schloß, einer stech uff dich oben odder unden.

Bruch auß dem Schlüssel, mit lären henden.

Sticht dir einr von oben zu mit dem thesacken, so verker dein rechte handt, und fahe seinen rechten arm vorne bei seiner handt, und reib ihm den umb, und mit deiner lincken hand nim ihm das gewicht bei dem elnpogen, und schwing ihn auff die Erd.

Aber mit lären henden.

Wann dir einer unden zusticht, so begreiff ihm den arm mit be