Habitus amplectendi anterius
Quum quispiam te anterius te amplectitur, inferneque brachia tua contineat, tum diphteram adversarii corripito, atque digito collum ipsius fodias, et hinc te relinquet. Inde ipsum supprimere[1] licebit, atque supinum prosternere.
Notabile
Si adversarius diphteram tuam adprehenderit, atque te capere vel pungere molitur, tum manum sinistram ipsius manui superimponas in iunctura. Inde eam circumflectas, dextrum brachium superne brachio eius imponito. Post si deorsum suppresseris, et ea ratione brachium hostis infringes. Utrinque et hunc habitum formabis.
Aliud
Cum aliquis diphteram corripuerit tuam, te in latus sinistrum convertas, atque manu dextra cubitum adversarii impellas. Inde si sinistro pede ipsum antecesseris, pronum impulsu facto hostem deiicies. Etiam id utrinque exerceas.
- ↑ Which is what?