Figura
Decima nona docet omnes impetus esse excipiendos, atque fortem te in omni conflictu ut praebeas
Gladii extorquendi ratio
Si ad hostem inveheris ictum supernum exercens, atque lateri sinistro eius adpropinquas, proposito mutato, brachiis porrectis nuditatem adversarii pungas. Sin autem pariter tecum is feriat, fortiterque resistat, et praestantiorem te viribus se exhibeat, nec non mucrone ensis expiscetur nuditatem, eumque lateri tuo sinistro adprimas. Inde si iuxta ipsum hostem fueris progressus, ensem extorquebis, quod excellenter figura sedecima docet, eminus ensem esse excipiendum.
Verum si quam proxime ad hostem accesseris, tum sinistram manum dextrae ipsius superimponas, ensem ne stringat vetabis, atque dextra manu eos habitus, quae supra sunt descripti, partim vero iam depingentur exerceas.
