Aversio per hastam equestrem utrinque.
Imposita hamo hasta trabali adversarius contra te si invehitur, tu subito habenas hamo inferiori iniicias, et hastam transversim ea ratione arripias, ut cuspis sursum vergat, densior ver pars deorsum in latere dextro eo modo vicissim ei obviam occurras, atque eius hastam contingas externe de latere hastae hostilis dextro, mucrone hastae tuae, postea si ex latere tuo sinistro trabali hasta adversarii tui hastam removeris in latus ipsius itidem sinistrum, vis eius infirmata est, nec non relinquere hastam adversarius cogetur. Verum in ipso transitus actu curabis, ut hastam tuam utroque brachio attollas, cuspide anteversum propensa, atque visum vel axillam adversarii figas. At si is eodem modo te adgreditur dextro brachio externe eum conatum repellas in progressu, et ea ratione hostis spe sua decipietur.
