Aber ain stuck
Krump wer wol setzt
mit schreiten vil hew letzt /
Glosa Das ist wie dw mit dem krumphaw die obernhew absetzen sollt Das treib also Stee wol krump neben deinem glincken fueβ der soll vor steen überzwerch auf der selben seiten seitten das ist in dem krumpen ansetzen mit deinem swert mit gekreutzten henden mit dem ort auf der erden Wann er dann dir von seiner rechten seitten schlecht zw der ploss so schreit und schlag oder setz ab Und arbait wie oben am nechsten doch magstu im wol über die hendt fallen mit dem ort biβ auf die erdenn in die schranckhuet als etlich nennent geet auf baiden seitten
Vnd so dw steest vnd hast dein swert auf der anderen seittenn in dem krumpen ansetzen vnd nit mit gekreutzten henden sunder mit offen armen so soll aber die lang schneid oben steen vnd mit absetzen wie vor vnd arbaiten Darnach mit kriegen oder andern das ist das dw In auch aus dem absetzenn auff sein haubt wol schlahenn Oder mit dem krumpen ein oder auffwinden schlahenn oder stossen ist auch gut wider den alber oder flechenn Würfft er dich herüber wie obenn so schlach wie obenn etc
