Merck hastu recht an gesetzt den ort vnden in sein hantschuech oder zu°m leder vnd merckest das du hafst vnd er plu°tt vom stich oder nicht so ring nicht Sunder druck in mit deine~ ort von dir zu°m kraiß vntz er sich ergeit das selb setzt du Im recht an in sein visir zuck nicht dein ort die weil du magst vnd wenn ers prechñ wil mit seinen stucken so prichß vnd ring vnd volg Im albeg vnd fleuch nicht von Im vnd vber gib Im nicht der vor gewunnen vortail mit der ploss ~
Merck eben ist das du Im mit deiner were alc? also chumen pist In sein plöss vnder den hantschu°ch vnd In also auf sperrest vnd die seitt also gewunnen hast deinem veint Ju ringen wilt oder müest So wart der nagsten seittñ do begreif Im sein pain mit deinen paiden henden Also far mit deiner ainen hant vorñ durch sein paide pain vnd chum ir zu° hilff mit deiner anderñ hant hinden hoch pey seinem archs vñ schleus dein paide hendt in ein ander heb vnd würf in pald auf sein seitten vnd puck dich nicht nÿder mit dem haubt in dem ringen sunder prüst dich auf forñ vnd senck dich mit nider mit dem arch vñ das haubt hindersich Ist es not das emphinstu wol an seiner leng oder kürtz
