dir hernach am nagsten vorklert werden vnd vorklert sind worden ~
Ein annders
Merck wenn du mit ÿm chumpst zu° Ringen wirfestu In denn auf den ruck So vall ym mit dem leib vber sein antlütz vnd vass ÿn peÿ dem hals vnder einen arm~ So ist er vorplent vnd mag dar zw° nicht wol auf chömen mit welicher hant er deñ nach dir greifft so stich Im nach zw der plöß des tenärs oder stich yn vnder das vchsen Oder arbait In mit dem degen vnden zw dem geschäpft vnd zw allen gelencken wo dich deücht do dw in am pesten gewinnen magst ~
Ein annders
Merck würfstu ÿn mit ringen auf den pauch So sitz pald auf in vnd begreiff mit der rechten hant sein rechte vnd zeuch die hinden auf seinen ruck vnd hald die vest mit der lincken hant vnd mit der rechten stich ÿm in die selbig hannt zu° der ploss des tänërs oder zw° der plöss vnder den vchsen Oder wenn er velt magstu In denn peÿ eine~ fueß begreiffen So stich yn mit dem degen vnden in die solen des selbigen füess
