deiner rechten seitten gegen seiner lincken vnd setz ym an
Aber ein vorsatzung
·M·erck wenn du hast dein swert vber dem lincken knÿe in der hu°t Ist er deñ nicht starck vnd slecht dir mit dem knopf oben ein So trit ÿm kundleich ein vnd vach den slach zwischen deinen paiden henden mitten in dein swertz klingen vnd var auf in die öber hu°t vnd setz ÿm an
Oder var Im mit dem knopf vber sein vorgesatzte hant vnd ruck ÿn zw dir vnd setz ÿm an
Merck ein vorsatzung vnd ein swert nemen
Merck wenn dw hast dein swert vber dem lincken knÿe in der hu°t Ist er denn nicht starck vnd slecht dir mit dem knopf zw dem haubt So vach den slach mitten in die klingen vnd var mit dem knopf aussen vber sein swert nahent hinder dem gehültz vnd reiß do mit vndersich auf dein rechte seittñ So nÿmpstu ÿm sein swert vnd setz ÿm dar zw° an
Merck aber ein vorsatzung vnd ein swert nemen
·: · · ·~Wenn dw hast dein swert vber dem
