er denn auf mit den armen vnd wert den oberñ stich So zuck vnd setz Im den ort vnder sein lincks vchsen In die plöss oder sünst wo dw hÿn magst vnd dring In vor dir hÿn
Das Ist der text vnd die glos von einer ler wie man zucken sol
Wiltu vor stechen
mit zucken lere wer prechen
Glosa merck das Ist wenn dw yim wilt vor stechen ee wenn er dir oder sünst vor chümpst mit dem stich Vor setzt er den stich So soltu Inndes wissen wie dw durch wechselñ oder zucken solt das er dir icht an setzt die weil du durch zuckest Vnd das vernym also Vor setzt er den stich starck mit der glefen vnd lest den ort neben dir beseitt aus gen So zuck pald vnd stich Im zw der anderñ seitten Oder pleibt er dir in der vorsatzung mit dem ort vor dem gesicht So zuck nicht durch so beleib mit deiner glefen an der seinen vnd arbait zw° der plöss Darnach als dw emphindest ob er hert oder waich angepunden hat
Das ist der text vnd die glos wie man das zucken prechen sol
Merck wil er zyhen
von schaiden vnd wil er fliehen
So soltu ÿm nahent
Ja weisleich wart vahen
Glosa merck Das ist Ob er vor chumpt mit dem stich das du Im vor
