Wert das nw° wert
So wind das aug ver sert
wert ers fürpas
vach zawm vnd wes nicht lass
Glosa Merck das ist ob dw geruet wild vechten in dem an reitten das soltu thuen von deinem rechten pain aus der neben hu°t mit stichen aus dem langen ort Vnd merck wenn er den stich vor setzt das du Im den ort am swert ein windest zw dem gesicht do mit twingstu In das dw magst ku~men zw anderñ stucken vnd wie dw winden solt das · vindestu her nach geschriben in dem nagsten stuck
Das lert die newntzehent figur Die spricht also Setz an den ort gegen dem gesicht
Hie merck ein gu°t stuck zw° ross mit dem swert vnd ein vahen mit dem zawm
Merck das erst stuck aus der neben hu°t vom rechten pain das treib also wenn du zw Im reittest so halt dein swert neben deinem rechten pain In der hu°t vnd stich ym lanck aus gerackten armen zw dem gesicht vor setzt er den stich So var auff am swert mit der rechten hant In die ober hu°t vnd heng ÿm den ort zw dem gesicht Pleibt er am swert vnd reitt nahent an dich so var mit der lincken hant Inwendig auff vber sein rechten arm~ vnd slach Im den · zawm do mit dar vber vnd begreiff mit lincke° verkarrter hant deinen zawm wider vnder seinem rechten arm~ vnd hald vest As Also ist er ver slungen mit dem zawm
