rechten arm, unnd hallt dich Fasst für sich, unnd halt seinen arm mit beden hennden, unnd reib dich von ime, so wursstu ine auf den ruggen, das geet, zu beden seitten.
Die vierrte Zwirch.
Item Die vierrt Zwirch, treibe allso, Wann du mit ainem rinngst zu lanngen armen, so brich ime auf mit dem rechten arm, unnd gee ein weil mit umb, unnd gehlinng so sprinng mit deinem rechten fuß hinndter seinen rechten, unnd mit dem rechten elenbogen, unndter sein rechte üchsen, so wirfstu ine auf den ruggen, das geet zu beden seitten.
Die funnfft zwirch.
Item Brich ime auß mit deinem rechten arm, vnnd gee ein weil mit ime vmb, vnnd gehlinng so zuck im an dich, vnnd gee hoch auf mit deinem rechten arm, oben über seinen rechten arm, vmb seinen ruggen, vnnd tritt mit dem rechten fuß hinndter ine, vnd dauch ine mit dem knie, so wirfstu ine auf den ruggen.
Die sechste Zwirch.
Item Brich ime auß mit dem rechten arm, und gee ein weil mit ime umb, und scheub ine starck
