Auszzuschlagen.
Item Ausgeschlagen, mit der rechten hannd vor ime zwischen die bain, fare durch, vnnd fasse ime henndem bej der iuppen, oder auf den elenbogen, vnnd heb ine auf über dich hinwegg, vnnd fare für sich auf das haubt, gestürßt, oder hinndter sich geworffen.
Ein anders.
Item. Ausgeschlagen mit beden hennden, vnnd begreif ine hinnden bej der achslen seiner rechten seitten, vnnd fare für sich, vnnd geruckt mit ausgestreckten rechten fusse vnnd wann er mit dem rechten bain zutrit, so fasse in bej demselben bain, vnnd fasse ine auf die rechten achsel, mit ainem schrannck.
Nota ein annders.
Item Mit ime gefallen, und über das haubt geworffen, mit deinen rechten knie, gezogen mit deiner rechten hannd, und nachgedruckt mit der linnggen hannd, unnd wirf ine zu grunnd..
Nota.
Item Ob er aber wischt mit der rechten hannd von dir, in deinen arm, unnd fasst dich, unnd will dich versuchen, unnd lesst die rechte hannd von oben durch, so fasse ine, in der mitt, mit der rechten hannd, und
