fare übersich nider mit deinem arm, In den bug seines elenbogen, an der seitten, da der fuß vorsteet, unnd mit der anndern hannd hilf zu dir, doch auf die seitten außwendig greiben, unnd hallt ine mit der ainen hand, mit der anndren greif ime in die brust, unnd mit den füssen in die kniebüge, seines ausgesetzten fusse, in dir gesperrt mit der versen.
Ain anders.
Item Ausgeschlagen mit der rechten hannd, unnd die finnger seiner rechten hannd gelöst, unnd mit deiner linnggen hannd, seinen rechten arm übersich geschlag, unnd fasse ine vor, unnd druck ine zuruck, unnd geworffe über dein linngges bain.
Nota ein annders.
Item Oder aber mit der anndern hannd, nach dem ausgeschalgnen seinem elenbogen fürsich gedreet, unnd hinnden gefasst, das hat ein ennd.
Nota ein annders.
Item gelöst mit der rechten hannd die Finnger seiner rechten hannd, unnd ausgeschlagen, mit der linnggen hannd unnd fasse ime die linngge hannd, in dein lingge hannd, und fasse ime sein bain in der kniebüge, und wirf ine damit nider..
