hannd unnden in seinen Elenbogen, unnd zucke damit zu dir, unnd mit der rechten stosse oben von dir unnd sprinng mit deinem linnggen fuß hinndter seinen rechten fuß unnd wirf ime auß dem fuß über dein linngges bain.
Ein annders fassen.
Item hallt ime fesst mit deiner rechten hannd sein linngge, unnd greif mit deiner linnggen hannd deiner rechten zuhilf, unnd hallt fesst mit beden henden unnd wende dich durch seinen arm, auf dein rechte seitten, so genemmstu ime den ruggen ab.
Bruch.
Item Wer dir durch geet, dem gee mit durch unnd fall in ein rinngen in wölches du willt.
Ein annderer Bruch.
Item hallt ime fesst mit beden hennden, sein linngge unnd wennde dich durch seinen arm auf dein lingge seitten, So brichstu ime sein fürnarmmen, magst ime auch innm werffen, seinen arm brechen.
