begreif imm sein linngge hannd vornen vnnd zucke fasst zu dir vnnd wann du ainnen allso gefasst hast so treib die Rinnggen die hernach geschriben steen wölches dich am pessten dunnckht.
Das erst fassen.
Item Das erst struck wann du ine allso gefasst hast, so far mit deiner linnggen hannd, auf seinen rechten arm, vnnd begreif ime vnndter seiner rechten hannd, da du sein linngge hannd innenn hast, stoss ime den Arm von dir, so verrennckstu ime den Arm.
Ein anders fassen.
Item hebe ime auf, den linnggen arm mit deiner rechten hannd, und fare ime mit dem haubt durch den arm, unnd zuck ime den über deinen halß unnd mit der linnggen hannd begreif ime sein lingger bain inn der kniebüge, unnd wirf ime allso über den rucken.
Ein anders fassen.
Item heb ime auf den linnggen arm mit deiner rechten hannd, unnd greif ime mit deiner linngg
