Erinnerunng dess Rinngens.
Inn Allen Rinngen sollen drei dinng sein: das erst ist Kunnst, Das annder Schnelligkeit, Unnd das drit Rechte anlegunng der Sterckh, Darumb soltu mercken, das pesst ist Schnelligkeit, die nit lesst zu brüchen kommen, darnach solltu mercken, das man allen kranncken solle vorrinngen unnd aller starcken nachrinngen, unnd inn allen vorrinng warrt der Schnelligkeit, In allem mitrinngenn warrt der Wag, unnd in allem Nachrinngen warrt der Kniebüg.
Auß den Armen Rinngen.
Item. Wann mit ainem Rinngen willt auß den Armen, so gedennck allweg, das du im fassest mit deiner linnggen hannd, im der mauß seines rechten arms, unnd mit deiner rechten hannd im fassest auswenndig seines linnggen arms, unnd mit der linnggen hannd, die du in der mauß fassest druck frisch zu rugg, Vnnd mit deiner rechten hand
