Vach linck seynen rechten
Dy achselen stoß hinter spring Im vechten
Item das stuck Treyb also wenn du mit dem zuuechten zu dem man kumpst so vach Im seyn rechte handt mit deyner lincken verkertten handt vnd Reyb dye vmb In deyn lincke seytten vnd zeuch dy woll fur dich hyn vnd Thu als du In wollest mit dem gehultz In das angesicht stossen vnd schreytt Indes mit deynem rechten fuß hinter seynen rechten vnd stoß In mit dem gehultz oder mit deynem rechten arme starck vorne in seyn achsel vnd reyb dich Eyn benig mit dem leyp auff deyn lincke seytten vnd wurff In vber deyn rechtes peyn etc
