Das die ausrichtung von dem uberlauffen
Der unden Remet
und uberlauft der wirtt eben gschemett
wan es glitzt oben
so setz ab das wil ich leben
dein arwait mach
waich oder hertt und druckh das zwiuach
Die ausrichtung von dem absetsen
Lere absetsen
haw stich krum schnielgkeichen letzen
wer auff dich sticht
so lug das dein ortt [ ]riff und den seinen bricht
von baiden seitten
briff alln mal wilstu schreitten
Von dem durchwechsell
Der durchwechsel lere
von baiden seitten stich mitt Sere
und wer auff dich sticht bÿndett
durchwechsel in schier windett
Die ausrichtung von dem Treffn und Zuckn
Dritt mein die binden
Zucken geitt gutte vinden
drist er so zuckh mer
zuckh aus allen treffen
wilstu den maistr Effen
Die ausrichtung von dem durchlauffen
Durchlauff las hengen
mit dem knopff und greiff wilstu Ringen
und wer gegen dir stricht ster[kh]e
durch lauff damitt merckhe
Die ausrichtung von dem abschneiden
Sschneidt ab die hertte
von unden yn baiden gsertte
vier send der schnidt
zwen unden zwen oben mitt
Von dem hend truckhen
Das schwertt bind
zu der flöche truckh in die hend
von die dein schneid wend
zu der flech durch die hend
Von den Zwaien hengen die ausrichtung
Zway hengen werden
auff einer hand von der andern
in allem gfertt
haw stich leger waich oder hörtt In irem gfertt
