Das Ander Theil Des Newen Kůnstreichen Fechtbůches (Cod.Guelf.83.4 Aug.8º)

Das Ander Theil Des Newen Kůnstreichen Fechtbůches
Cod.Guelf.83.4.Aug.8º, Herzog-August Bibliothek Wolfenbüttel, Germany
Hils' catalog	54
Leng's catalog	38.9.13
Also known as	Cod Guelf. 83.4 Aug. 4º (Hils)
Type	Fencing manual
Date	1591
Language(s)	Early New High German
Scribe(s)	Unknown
Author(s)	Unknown
Illustrated by	Unknown
Material	Parchment
Size	118 folia
Format	Double-sided; one image per side, with text below
Script	Blackletter
External data	Museum data sheet

The title of this article contains the characters ů, and º. Where they are unavailable or not desired, the name may be represented as Das Ander Theil Des Newen Kuenstreichen Fechtbueches (Cod.Guelf.83.4 Aug.8o).

Das Ander Theil Des Newen Kůnstreichen Fechtbůches ("The Second Part of This New Art-Rich Fencing Manual", Codex Guelf 83.4 August 8º) is a German fencing manual created in 1591. The original currently rests in the holdings of the Herzog-August Bibliothek in Wolfenbüttel, Germany. This manuscript is unusual both because of its unique art style, portraying quite overweight fencers drawing copious amounts of blood despite using training weapons, and because it treats all of the typical Freifechter weapons but shows no connection to the tradition of Johannes Liechtenauer.

Contents

Folio	Section
Ir - IIIv	Front matter  Images English Translation Transcription by Olivier Dupuis [Cover] [IIIr] Dans Ander Theil Des Newen, Kunstreichen, Fechtbuches, darin alle fürnembste nützbarliche vnd geheimbte Stücke, so im Schwerdt, Halben Stangen, Helbart, Tolch, Dosacken, Tolchnehmen Vnd im Ringen vnd Werffen nützlich konnen gebraücht werdenn zubefinden seindt. ANNO .1591. [IIIv] [mark from the Wolfenbüttel library]
2r - 20r	Anonymous longsword devices  Images English Translation Transcription by Olivier Dupuis [1r] Im Schwerdt konnen nachvolgende Stücke nüztlich gebrauchet werden vnd seind derselbigen sechs vndt Dreissigk. [2r] N°1 So balt der ander anfehrt sich langk außzulegen praesentirt man binnen vnd tritt mit einem langen tritt vnd Lincken Fueß fort vnd schmeisset einen vber den rechten arm. [2v] N°2 So kan man auch binnen praesentiren vnd baussen schmeissen nach dem Kopff oder arm Vnd wan der falliret zwircket man geschwinde nach den Lincken Ohr, man muß aber wol zuruck auß Klingen tretten. [3r] N°3 So kan man auch zwen starcke Reuerß thun wieder des andern Schwerth vnd mit dem Dritten mit einem langen tritn fortfallen vnd ihn vber kopff oder arme schmeissen. [3v] N°4 So kan man auch mit einem langen tritt geschwinde vnden nach dem arm schmeissen, vnd so balt der Streich geschehen hawet man sich von ihme hinwegk vnd ferner darauf was sich leiden will. [4r] N°5 So kan man auch einem vnden nach dem arm schmeissen, Vnd wan der vollenbracht, fellt man mit einem langen tritt fort vnd schmeist mit aller gewalt nach der rechten seite, vnter oder vber den Kopff oder rechten arm. [4v] N°6 Auff vorgesetzte weise schmeist man einem vnden nach dem arm vnd zwircket darauf gar geschwinde hinden nach dem rechten Ohre, Man muß aber weit zurück auß der Klingen tretten. [5r] N°7 So kan man auch auf vorgesetzte weise einem vnden nach dem arm schmeissen vnd sich drauff von einem wegk hawen, wan das geschehen thut man mit gantzen Leibe einen starcken Reuerß geschwind drauff fellet alß dan mit einem langen tritt fort, vnd schmeist mit gewalt einem vber den Kopff oder vff den arm. [5v] N°8 So kan man auch praesentiren alß wolte man vnten nach dem arm schlagen vnd schmeisset alß dan mit aller gewalt von ober nieder auf den Kopff. [6r] N°9 So kan man auch praesentiren alß wolte man von vnten auf schmeissen nach dem arm vnd thut drauff mit gewalt zwen starcke Streich nach dem Kopff binnen, vnd den dritten vollenbringt man mit aller macht baussen vber den Kopff oder rechten arm. [6v] N°10 So kan man auch hoch zu beiden seiten praesentiren vnd vnden vber beide Schinbein schmeissen, man muß aber tieff vnten das Schwert fallen. [7r] N°11 So kan man auch wan der ander langk außligt baussen praesentiren inwendig vorfüren nach dem Lincken Ohre vnd einem Reuerß vber beiden Schenckel schmeissen, vnd den vollents drauff nach dem Lincken Ohre geschwinde zwircken. [7v] N°12 Wan der ander lang ligt praesentirt man baussen vnd schlegt mit gewalt binnen nach dem Kopff, wan er den tieff vnten das Schwert fellt schmeisset man ihn mit aller macht hinten vber den Scheitel, Man muß aber wol zurück auß der Klingnen tretten. [8r] N°13 Wan den ander langk außligt praesentirt man baussen vnd hawet inwendig nach dem Kopff, wan er dan hoch vorfellt, thut man einen gewaltigen Streich nach der rechten seite. [8v] N°14 Wan der ander langk ligt praesentirt man baussen vnd verfurt binnen, schmeisset alßdan baussen hinden nach dem Schaitel vnd wan der Streich falliret hewet man mit aller macht nach der lincken seiten. [9r] N°15 Wan der ander langk ligt praesentiret man binnen verfüret baussen vnd schmeisset einen mit aller macht vber den lincken arm. [9v] N°16 Wan der ander langk außligt praesentirt man binnen verfürt baussen vnd schmeist mit gewalt von vnden auff nach dem lincken Elbogen. [10r] N°17 Vorgemelten Streich kan man auch binnen nach dem lincken Backen vollenbringen [10v] N°18 Wan der ander langk außligt verfürt man binnnen vnd baussen vnden klemmet einem die Finger zwischen beiden kreutzen. [11r] N°19 Wan der ander langk ligt verfürt man binnen vnd baussen vnd reisset mit dem lincken arm dem andern das Schwerdt auß der Faust man muß sich aber gar geschwinde vmbdreÿen. [11v] N°20 Wan der ander langk legt praesentirt man binnen und bricht außwendig die Rosen. [12r] N°21 Wan der ander langk außligt praesentirt man baussen vnd bricht inwendig die Rosen. [12v] N°22 Wan der ander langk außligt praesentirt man binnen einen schlag, Wan er dan hoch vorfellet bricht man ihm einen arm mit dem heffte von dem Schwert. [13r] N°23 So kan man auch inwendig praesentiren vnd baussen verfüren vnd mit dem Helffe des andern Schwert mit gewalt außreissen man muß aber tieff vnter das Schwert fallen. [13v] N°24 Wan der ander langk ligt praesentirt man baussen vnd verfüret inwendig vnd reisset auf vorigen gestallt einen das Schwert auß der Faust also das man dem andern Kerl auf den Ruck nimbt vnd von der [ander?] aufhebt. [14r] N°25 So kan man auch auf vörige beide weise praesentiren vnd verfuren vnden einem das Schwert zur rechten halben außreissen. [14v] N°26 Gleicher gestallt kan man praesentiren vnd verfüren vnd einem das Schwert zur lincken halben außreissen. [15r] N°27 So kan man auch binnen praesentiren vnd baussen mit gewalt schlagen, wan er dan hoch vorfellt, stellt man ihm einen Fuß vnd setzet ihm den rechten Elbogen vnter den Halß vnd wirfft ihn vber hauffen. [15v] N°28 Diesen Wurff kan man auch mit dem lincken Fueß vnd arm vollenbringen wan man baussen praesentirt vnd inwendig schlegt. [16r] N°29 So kan man auch von oben gewaltig hinein schmeissen, wan er dan hoch vorfellt, setzet man ihm den Knopff vnder den Halß, stelllt ihm einen Fueß vnd wirfft ihn vber hauff. [16v] N°30 So praesentirt man auch alß wolt man mit gewalt von oben hinein schmeissen wan er dan hoch vorfellt, loß man das Schwert fallen vnd ergreifft ihn bei beiden Schenckelln vnd wirfft ihn vber hauff. [17r] N°31 So praesentirt man auch boben einen gewaltigen Streich vnd wan ihr hoch verfellt laß man das Schwert fallen, setzet ihm den Kopff vor den [Giebell?] ergreifft ihn bei den Knie Kelen vnd wirfft ihn vber hauffen. [17v] N°32 Wan der ander sich solchen Wurff zuthun vnderstehet vmbgreifft man ihm hinden bei der Lenden vnd setzet ihn auf den Kopff. [18r] N°33 So kan man auch auf vorgesetzten fall mit dem Schwert mit aller macht ihn hinden auf den Nacken stossen. [18v] N°34 Wan der ander mit dem Schwert dürch hawet, fellt man geschwinde vber des andern Klinge fort vnd schmeist ihnen verzwerch vbers gesichte oder Stirne. [19r] N°35 So kan man auch vorgemelten Streich mit aller gewalt vber die arme vollenbringen. [19v] N°36 Wan der ander dürch hawet, schegt man geschwinde einen Reuerß nach dem rechten Backen oder auch woll man ihr auf der ander seiten dürch hawet nach dem lincken Backen. [20r] [No text]
21r - 37r	Anonymous staff devices  Images English Translation Transcription by Olivier Dupuis [21r] In der halben Stangen konnen nachvolgende Stücke nützlich gebraucht werdenn deren seindt . 31. [22r] N°1 Wan der ander baussen einen Reuerß schlegt, fellt man mit der Stangen mit gewalt entgegen mit einem langen tritt vnd stosset den andern ins gesichte. [22v] N°2 Wan der ander binnen schlegt fellt man mit der Stangen mit verwechselten handt vnd langen tritt entgegen vnd schmeist einem geschwindt nach den Schenckeln. [23r] N°3 Wan der ander binnen schlegt vorfellt man vnter die Stange vnd fellt mit einem langen tritt fort stosset mit dem kurtzen ort, vnd [who der?] fallirt schmeist man einen vber den Kopff mit aller macht. [23v] N°4 Wan der ander binnen schlegt verfellt man vnter die Stange dem Streich entgegen mit einem langen tritt, setzet ihm den kurtzen orth vnter den halß, stellt ihm ein fueß vnd wirfft ihn vber hauffen. [24r] N°5 Wan der ander binnen schlegt vorfellt man gar tieff vnter die Stangen vnd schmeist mit einem langen tritt vnd aller gewalt einen vber den Kopff. [24v] N°6 Wan der ander langk außligt kan man ihm geschwinde entgegen fallen vnd ihme die Finger zwischen beide Stangen klemmen. [25r] N°7 Wan der ander binnen schlegt vorfellt man tieff vnter die Stange vnd schmeisset mit beiden henden vnd einem langen tritt dem andern ins gesichte. [25v] N°8 So kan man auch binnen einen schlag praesentiren, Wan der ander dan vorfellt reist man ihm mit dem kurtzen orth der Stangen auß der Faust man muß aber die hande verwechsselln. [26r] N°9 Man kan auch binnen einen schlag praesentiren wan der ander den verfellt stost man ihm die Stange ins gesichte mit beiden henden vnd langen tritt. [26v] N°10 Wan der ander langk außligt kan man ihm binnen einen Streich geben hinden vber den nacken, Es muß aber diesen Streich mit verwenter handt geschehen Damit er desto tieffer lauffe. [27r] N°11 Wan der ander langk außligt, kan man ihm baussen mit einem langen tritt einfallen vnd ins gesichte stossen. [27v] N°12 Vorgemelten Stoß kan man auch binnen mit einem langen tritt vollenbringen. [28r] N°13 Wan der ander langk außligt, kan man ihm die Stangen auß reissen vnd mit dem kurtzen orth stossen oder ihn vber den Kopff schmeissen da der stoß falliren würde. [28v] N°14 Wan der ander langk ligt fellt man ihm baussen ein vnd reist ihm die Stange auß der Faust. [29r] N°15 Wan der ander binnen oder von boben schlagen will zeücht man den Leib zurück vnd stosst einem geschwinde die Stange ins gesichte. [29v] N°16 Wan der ander langk außligt schlegt man mit dem hintersten orth der Stangen des andern Stange hinwegk vnd thut mit einer handt einem starcken vnd geschwinden Reuerß ins gesichte. [30r] N°17 Wan der ander baussen langk außstosset, fellt man mit einem langen tritt baussen fort, vnd stosset ihn ins gesichte. [30v] N°18 Diesen Stoß kan man auch binnen, so der ander binnen stosset mit einem langen tritt vollenbringen. [31r] N°19 So balt der ander nach den Schenckelln stost oder schlegt, stost man ihn geschwinde ins gesichte. [31v] N°20 Wan der ander binnen stosset nach dem lincken auge, nimbt man den Stoß mit der Stangen mit verdreiter handt wegk vndt stoß mit ihm zugleich. [32r] N°21 So kan man sich baussen gar bloß geben Wan der ander dan stosset pariret man mit der Stangen vnd fellt mit zwei langen tritten geschwinde fort vnd stosst ihn ins gesichte. [32v] N°22 Wan der Ander langk außligt schmeist man geschwinde vnden nach dem arm, Man mus aber den Kopff vnd Leib wol zurücke ziehen vmb des nachstosses [willen?] vnd thut drauff zwei starcke vnndt geschwinde Reuerß. [33r] N°23 So kan man auch vorgemelten Streich vnden nach dem arm thun, man muß aber das gesichte vnd Leib wol zurücke ziehen, Wan der ander dan nachstosset nimbt man mit dem kurtzen orth hinwegk vnd fellt baussen mit einem langen tritt geschwinde fort vnd stosset ihm ins gesichte. [33v] N°24 Wan der ander langk außligt thut man zwo kurtze Venten vnnd stosset binnen nach dem gesichte mit einer handt. [34r] N°25 Diesen Stoß kan man auf vorgesetzte weise auch baussen vollenbringen. [34v] N°26 Wan man vorgemelten Stoß gethan vnd der ander drauff auß stosset pariret man mit der handt vnd schmeist mit einem geschwinden Reuerß den andern vber den Kopff. [35r] N°27 Wan der ander baussen langk außstosset nimbt man mit gewalt den Stoß mit der Stangen wegk vnd schmeist mit beiden henden einen Reuers vber den Kopff. [35v] N°28 Wan der ander mit dem Rucktritt einen schlag thun will, stost man ihn geschwinde mit des er sich vmbdreÿet ins gesichte. [36r] N°29 Wan der ander langk außligt, praesentirt man einen schlag baussen, Wan er dan verfellt, fellt man mit einem langen tritt fort, vnd stost ihn mit dem kurtzen orth für den Kopff. [36v] N°30 Wan der ander Langk ligt praesentirt man einen schlag binnen, Vnd wan er das verfellt, Reissert man ihm mit aller gewalt vnd einem langen tritt mit dem fordern orth die Stangen auß der Faust. [37r] N°31 Wan der ander auf den rechten Fueß vorligt vnd thut den binnersten schlag, so fellt man dem Streich entgegen vnd schmeist mit einem langen tritt den andern hinden vber die Waden.
37ar - 56v	Anonymous halberd devices  Images English Translation Transcription by Olivier Dupuis [37r-a] Im Helbarten konnen nachvolgende Stücke nützlich gebraucht werden deren seindt 38. [38r] N°1 Wan der ander langk ligt kan man binnen schlagen, wan der ander dan vorfellt trücket man mit dem Haken des andern Helbart nieder, also das er nicht aufkommen kan, Vnd stosset mit dem kurtzen orth den andern vors gemechte oder Brust. [38v] N°2 So kan man vorgemelten Streich binnen vollenbringen wan der ander dan vorfellt reisset man mit dem Haken des andern Helbart hinwegk vnd stosset mit einem langen tritt den andern ins gesichte. [39r] N°3 So kan man auch vorgesetzten Streich mit vordreiter handt thun damit er desto tiefer lauff hinden vber den Nacken. [39v] N°4 So kan man auch vorgemelten Streich praesentiren vnd wan der ander vorfellt, stost man mit kurtzem orth vnd langen tritt dem andern ins gesichte. [40r] N°5 So kan man auch vorgemelten Streich vollenbringen vnd wan der ander vorfellt tritt man baussen warts des andern Helbart vnd stosset ihn ins gesichte. [40v] N°6 So kan man vorgemelten Streich praesentiren wan der ander dan vorfellt reist man ihm die Helbart mit gewalt auß der Faust mit dem kurtzen orth. [41r] N°7 So kan man auch vorgemelten Streich praesentiren wan der ander dan vorfellt stost man ihn ins gesichte mit beiden henden vnd langen tritt. [41v] N°8 So kan man vorgemelten Streich praesentirn wan der ander vorfellt heckellt man ihm beim Schenckel vnd wirfft ihn vber hauffen. [42r] N°9 So kan man vorgemelten Streich vollenbringen, Wan der ander dan vorfellt reist man mit aller gewalt mit dem Hacken des andern Helbart wegk vnd schmeist einem geschwinde auff den giebell. [42v] N°10 So kan man vorgemelten Streich praesentiren wan der ander dan vorfellt kompt man ihm mit dem kurtzen orth vnter den arm vnd reisset ihm mit gewalt die Helbart auß vnd häckelt ihn vmb den Hälß vnd zeücht ihn zu bodem. [43r] N°11 Wan der ander binnen schlegt, fellt man mit der Helbart mit gewalt entgegen vnd dempffet den Streich, stosset den andern ins gesicht der heckelt ihm vmb dem Halß, dieß muß aber mit verwechselten henden geschehen. [43v] N°12 Wan der ander baussen schlegt einen Reuers fellt man mit der Helbart mit gewalt entgegen vnd thut mit gantzem Leibe vnd langen tritt einen stoß dem andern ins gesichte. [44r] N°13 Wan der ander binnen schlegt verfellt man vnter die Helbart vnd stosset mit dem kurtzen orth dem andern ins gesichte vnd da der falliret schmeist man ihn vber den kopff. [44v] N°14 Wan der ander binnen schlegt vorfellt man tieff vnder die Helbart vnd setzet einem den kurtzen orth vnter den Hälß stellt ihm einen Fueß vnd wirfft ihn vberhauff. [45r] N°15 Wan der ander binnen schlegt vorfellt man tieff vnter die Helbart vnd schmeisset mit beiden henden vnd langen tritt dem andern vber den kopff. [45v] N°16 Wan der ander langk außligt, kan man ihm mit einem langen tritt entgegen fallen vnd die Finger zwischen beide Helbart klemmen. [46r] N°17 Wan der ander binnen schlegt verfellt man tieff vnter die Helbart vndt schmeisset mit beiden henden den andern ins gesicht mit der Helbart. Es muß aber dieser Streich mit einem langen tritt vnndt gantzen Leibe geschehen. [46v] N°18 Wan der ander langk außligt fellt man ihm baussen mit gewalt ein mit einem langen tritt, vnd stost ihn ins gesichte. [47r] N°19 Wan der ander langk außligt fellt man ihm binnen mit einem langen tritt mit gewalt ein vnd stosst ihn ins gesichte. [47v] N°20 Wan sich den ander vnderstehet mit der Helbart mit gewalt entgegen zufallen dreiet man sich vmb vnd stosset mit dem kurtzen orth oder schmeisset ihn vber den Kopff. [48r] N°21 Wan der ander langk außligt reisset man mit gewalt des andern Helbart auß vnd stost mit dem kurtzen orth oder schmeisset ihn vom vber den kopff. [48v] N°22 Wan der ander langk außligt fellt man binnen ein vnd reist ihm mit gewalt die Helbart auß der Faust. [49r] N°23 Wan der ander binnen oder bouen zuschlagen sich vnderstehet, stost man ihm so balt [ehe?] aufhebet zuschlagen ins gesichte. [49v] N°24 Wan der ander langk ligt, reist man mit dem hindern orth des andern Helbart hinwegkt vnd schmeisset ihn mit beiden henden ins gesichte. [50r] N°25 Wan der ander baussen langk außstosset fellt man mit einem langen tritt geschwinde fort vnd stosset ihn ins gesichte. [50v] N°26 Diesen Stoss kan man auch vollanbringen wan der ander binnen langk auß stossen würde. [51r] N°27 Wan der ander nach den Schenckelln stost oder schlegt, stost man ihm geschwinde ins gesichte. [51v] N°28 Wan der ander nach dem Lincken auge stosset nimbt man mit der Helbart mit vordreiter handt den Stoß wegk vnd stost mit ihm zugleich. [52r] N°29 So kan man sich in ein Positur legen das man sich gantz bloß gibt, Wan der ander dan nach dem rechten auge stosset, pariret man mit der Helbart vnd fellt mit zwen langen tritt fort vnd stosset ihn vber hauffen. [52v] N°30 Wan der ander langk außligt schmeist man ihm vnden nach dem arm, Man muß aber den Leib vnd Kopff wol zurücke ziehen, Wan der ander dan nach stosset, nimbt man mit dem vorechter orth hinwegk vnd fellt mit aller gewalt vnd langem tritt fort vnd stosset ihn ins gesichte. [53r] N°31 Wan der ander langk außligt reist man mit dem hindern orth der Helbart des andern Helbart hinwegk vnd stost ihn mit einem langen tritt ins gesichte. [53v] N°32 So kan man auch einen schlag baussen praesentiren wan er dan verfellt stost man mit beiden henden vnd langen tritt dem andern ins gesichte. [54r] N°33 Wann der ander nach dem Lincken auge langk außstost nimbt man mit gewalt mit der Helbart den Stoß hinwegk vnd schmeisset mit beiden henden den andern vber den Kopff. [54v] N°34 Wan der ander langk außstost fellt man ihm baussen ein vnd reisset mit gewalt dem andern die Helbart auff die seitte stellet ihm einen Fuß vnd wirfft ihn vber hauffen. [55r] N°35 Wan der ander langk außligt schmeisset man mit beiden henden mit alle gewalt binnen einem vber den Kopff vnd wan der falliret reist man mit gewalt mit dem Haken des andern Helbart hinwegk vnd schmeist ihn vber den Kopff. [55v] N°36 So kan man auch baussen einen Reuerß schlagen vnd mit dem rechten Fueß zurücke tretten vnd dan drauf geschwinde mit beiden henden vnd gantzem Leibe einen Streich binnen thun also das man Hackelt vnd fellt drauff geschwinde mit einem Stoß ins gesichte fort. [56r] N°37 Wan der ander langk außligt thut man zwo kurtze Venten vnd stosset binnen Nach dem gesichte mit einer handt. [56v] N°38 Diesen Stoß kan man auf vorgesetzte weise auch baussen vollenbringen.
58r - 67v, 86r - 105r	Anonymous dagger devices  Images English Translation Transcription by Olivier Dupuis [58r] Im Tolch allein konnen im fechten nachvolgende Stücke nützlich gebraucht werden deren seindt 16. [59r] N°1 Wan der ander von vnden mit dem Tolch stosset, pariret man mit der Handt vnd stost ihn geschwinde mit dem Tolch ins gesichte. [59v] N°2 Wan der ander von oben hinein stosset, so stost man ihm entgegen fellt mit dem Kopff tieff darunder vnd bricht mit dem Tolch ihm den arm entzwej kurtz vber der handt. [60r] N°3 Wan der ander sich dasselbe vnderstehet zuthun ergreifft man die spitze des Tolchs vnd beüget sie mit gewalt zurücke vber sich. [60v] N°4 Wan der ander von oben herein stosset so stost man ihm entgegen vnd bricht ihm den Tolch auß der Faust. [61r] N°5 Wan der ander von oben herein stost, so stost man ihm mit dem Tolch entgegen ergreifft ihn mit der rechten handt beider Faust, setzt ihm den lincken Elbogen vnter den halß stellt ihm einen Fuß vnd wirfft ihn vber ein hauffen. [61v] N°6 Wan der ander nach dem lincken auge oder seiten von oben herein stosset erwischt man ihn mit der Lincken handt beider Faust dreiet sie ihm vnter sich vmb vnd bricht ihm den Tolch auß der Faust. [62r] N°7 Wan der ander von ober herein stosset ergreifft man ihn mit der lincken handt bei der Faust vnd bricht ihm den Tolch mit gewalt auß der Faust. [62v] N°8 Wan der ander wie vorgemeldet stosset erwischt man ihhn mit der lincken handt bei der Faust dreiet ihme dieselbe vnder sich vmb vnd setzet ihm die rechte Faust hinder den Elbogen vnd bricht ihm den arm im Elbogen entzwej. [63r] N°9 Wan der ander wie vorgemeldet stosset ergreifft man ihn mit den lincken handt bei der Faust vnd mit der rechten bei der Gurgell stellet ihm einen Fueß vnd wirfft ihn vberhauff. [63v] N°10 Auff vorgestzte weise kan man einem auch den arm vmbgreiffen ihm einen Fuß stellen vnd mit dem Tolch ins gesichte stossen, das er vber hauff fellt. [64r] N°11 Wan der ander von oben herein stosset vmbgreifft man ihm den arm mit den lincken handt vnd dreiet sich geschwinde vmb vnd bricht ihme einen arm. [64v] N°12 Wan der ander aufhebet von oben herein zustossen, stosst man ihn mit aller gewalt mit dem Toche in die kurtze Rieben, Man muß aber solchs geschwinde thun vnd vmb des Nachstosses willen den Kopff vnd Leib wol zurücke ziehen. [65r] N°13 Wan der ander von oben hinein aufhebet zustossen ergreifft man ihn mit der lincken handt bei der Faust vnd mit der rechten vnden bei dem Elbogen vnd beüget ihm den arm zurücke vber, also das ihme des achssel gelencke außgehet. [65v] N°14 Wan der ander wie vorgemeldet zustossen aufhebet, fellt man ihm mit dem Tolch vnd rechter Faust entgegen vnd mit der lincken schlegt man ihn in den Elbogen vnd beüget ihm den arm zurücke mit gewalt vber, also das ihm das achssel glidt außgehet. [66r] N°15 Wan der ander wie vorgemeldet stosset, erwischt man ihn mit der lincken handt beim arm vnd mit der rechten beim Schenckell vnd wirfft ihn vber hauff vnd so er sich weigert zufallen bricht man ihm einen arm. [66v] N°16 Wan der ander von ober stosst, erwischt man ihn mit der linckn beim arm vnd dreiet ihm denselben am Leibe vmb vnd setzet ihm den Tolchen auf den Halß vnd reisset ihn vber hauffen. [67r] [No text] [67v] [No text] [86r] Wan sich der ander vnderstehet einem mit einem Tolche zuerstechen, es geschehe solchs von vnden auff, oder nach der Rechten oder lincken seiten warts alss dan konnen nachvolgende Stücke, dagegen nützlich gebraucht werden deren seinde 30. [87r] N°1 Wan der ander von vnden auf stosset vmbgreifft man ihm den arm mit beiden henden Creützweiß vber einander gelegt also das die rechte handt oben seÿ vnd bricht ihm den Tolch auß der Faust. [87v] N°2 Wan der ander von vnden auf stosset, schlegt man beide daumen vber ein ander Creützweiß vnd vmbgreifft einem die Faust vnd beüget ihm dieselbe vnderwarts. [88r] N°3 Wan der ander von vnden auf stosset, begreifft man ihm die handt wie vorhin vnd stost ihm den Tolch selber in den leib. [88v] N°4 Wan der ander von vnden auf stosset, schlegt man mit der lincken handt einen auf den arm mit welchem er stosset, vnd mit der rechten handt kompt man ihm vnter den Tolch vnd fellt mit der Brust auf den knauff vnd druckte ihm dem Tolch mit gewalt ins Leib. [89r] N°5 Wan der ander von vnden stosset, begreifft man ihm die handt wie zuuor vnd rücket so starck alß man kan des andern arm vnder vnd zu sich. [89v] N°6 Wan der ander von vnden stosset schlegt man mit der lincken handt einem auf die Faust damit er stosset vnd vmbgreifft ihm mit der rechten handt den Elbogen dreien ihm den arm auf den Rückn, stellet ihm einen Fueß vnd wirfft ihn vberhauff. [90r] N°7 Wan der ander mit einem Messer von vnden auff stosset vnd zwei Finger vber leget beüget man ihm die Finger vnder sich vnd bricht sie ihm entzwei. [90v] N°8 Wan der ander von vnden stosset, vmbgreifft man ihm die Faust mit der lincken handt, vnd mit der rechten greifft man ihm vber den Elbogen vnd bricht ihm einen arm. [91r] N°9 Wan der ander von vnden stosset vmbgreifft man mit beiden henden des andern arm vnden bei der Faust vnd bricht ihm denselben auf der achssel entzwej. [91v] N°10 Wan der ander von vnden stosset, vmbgreifft man ihm den arm vnd wirfft ihn auf sich vnd zu boden, Wofern er aber zu schwer wehre vnd sich viel weigern wolte, so bricht man ihm einen arm. [92r] N°11 Wan der ander von vnden stosset vmbgreifft man ihm mit der rechten handt den arm vnd beüget denselben auf die achssel vnd mit der lincken handt erwischt man ihn beim gemechte vnd wirfft ihn vber hauffen, oder bricht ihm auf der Schulter ein arm entzwej. [92v] N°12 Wan der ander von vnden stosset vmbgreifft man ihm den arm mit der lincken handt vnd beüget ihm denselben auf den Rücken vnd mit der rechten handt drücke man den andern dem Kopff zur vnden vnd wirfft ihn vber hauff. [93r] N°13 Wan der ander von der rechten seiten vnden nach dem Leibe stosset, vmbgreifft man ihm mit dem rechten arm den Tolch vnd arm laufft ihm selber den Tolch in den Leib. [93v] N°14 Wan der ander nach der rechten seiten von oben herein stosset, kan man ihme den Tolch nehmen. [94r] N°15 Wan der ander nach der rechten seite stosset vmbgreifft man ihm mit der rechten handt bei der Faust vnd dreiet ihm den arm vnden sich ergreifft ihn mit der lincken handt hinder den Elbogen vnd bricht ihm einen arm. [94v] N°16 Wan der ander nach der rechten seitten stosset, ergreifft man ihm den arm mit der rechten Faust vnd mit der Lincken ergreifft man ihn bei der Stirn stellt ihm einen Fuß bricht ihm das genicke vnd wirfft ihn vberhauff. [95r] N°17 Wan der ander nach der rechten seiten stosset ergreifft man ihn mit der rechten handt beim arm, stellt ihm einen Fueß vnd mit der Linckn erwischt man ihn bei dem halst vnd wirfft ihn vber hauffen. [95v] N°18 Wan der ander nach der rechten seiten stosset ergreifft man ihn beim Leibe vnd arm stellet ihm einen Fueß vnd wirfft ihn vber hauffen. [96r] N°19 Wan der ander nach der rechten seiten stosset, ergreifft man ihm die Faust mit beiden henden vnd dreiet sie ihm vnder sich vmb. [96v] N°20 Wan der ander nach der rechten seiten stosset ergreifft man ihn bei der Faust vnd dreiet sie ihm vmb vnd greifft ihn mit der lincken handt beim gemechte vnd wirfft ihn vber hauffen. [97r] N°21 Wan der ander wie vorgemeldet stosset, ergreifft man ihn bei der Faust dreiet sie ihm vnder sich vmb vnd stosset mit dem Fueß ihn in die Seite mit aller gewalt. [97v] N°22 Wan der ander nach dem lincken auge stosset, dreiet man dem andern mit der lincken handt die Faust vmb vnd bricht ihm dem Tolch auß der handt. [98r] N°23 Wan der ander wie vorgemeldet stosset vmbgreifft man ihn mit gantzem arm den Tolch vnd bricht ihm denselben auß der Faust. [98v] N°24 Wan der ander wie vorgemeldet stosset vmbgreifft man ihm den arm vnd bricht ihm die Faust im gelencke. [99r] N°25 Wan der ander wie vorgemeldet stosset vmbgreifft man ihm den arm auf vorige weise vnd mit der rechten handt ergreifft man ihn hinden den Elbogen vnd bricht ihm im Elbogen den arm. [99v] N°26 Wan der ander nach dem lincken auge stosset ergreifft man ihn mit der lincken handt bei der Faust vnd mit der rechten bei der Bürgel stellet ihm einen Fueß vnd wirfft ihn vberhauff. [100r] N°27 Wan der ander von oben herein stosset, vmbgreifft man ihm den arm mit der lincken handt vnd bricht ihm den Tolch auß der Faust. [100v] N°28 So balt der ander aufhebet von oben hinein zustossen, ergreifft man ihn mit der lincken handt vnden bei der Faust vnd mit der rechten ergreifft man ihn hinden beim Elbogen vnd beüget ihm den arm zurücke vber sich, das ihm das achssel gelencke außgehet. [101r] N°29 Wan der ander aufhebet von oben hinein zustossen fellt man ihm mit der rechten handt geschwinde vnter den Tolch vnd mit der Lincken schlegt man ihm in den Elbogen vnd beüget ihm den arm zurück vber sich vnd bricht ihm das achssel glidt. [101v] N°30 Wan der ander von ober hinein stossen will ergreifft man mit der lincken handt ihn bei der Faust dreiet sie ihm vmb vnd mit der rechten erwischt man ihn beim Schenckell vnd wirfft ihn vber hauffen oder bricht ihm einen arm. [102r] Wan einer beim Tisch sitzet vnd der ander sich vnderstehet mit dem Tolch entweder nach der Rechten oder Lincken seiten zu stossen, so konnen nach volgende Stücke dakegenn nützlich gebraucht werden. deren seint 15. [103r] N°1 Wan derselbige so der stosset einem zur rechten handt sitzet, vnd stosset von oben hinein fellt man ihm geschwinde mit der rechten handt entgegen vnd bricht ihm den Tolch auß der Faust. N°2 Wan der ander wie vorgemeldet sitzet vnd stosset ergreifft man ihn mit der rechten handt bei der Faust dreiet ihm deiselb vnder sich vmb, vnd mit der lincken drücket man auf den Elbogen vnd bricht ihm den arm. N°3 Wan der ander wie vorgemeldet sitzet vnd stosset, ergreifft man ihn mit der rechten handt bei der Faust vnd dreiet sie ihm vmb vnd mit der lincken erwischt man ihm beim Halst vnd wirfft ihn vber hauffen. N°4 Wan der ander nach dem lincken auge stosset ergreifft man ihn bei der Faust mit der lincken handt vnd dreiet sie ihm vmb vnd bricht ihm den Tolch auß der Faust. [103v] N°5 Wan der ander dem vorigen Stoß thut ergreifft man ihn bei der Faust, beüget sie ihm vnder sich, vnd bricht sie ihm im gelencke entzwej. N°6 Wan der ander wie vorgemeldet stosset ergreifft man ihm mit der lincken handt bei der Faust vnd setzet ihme den rechten daumen auf die Bürgel vndt wirfft ihn vberhauff. N°7 Wan der ander von oben hinein stosset vnd so balt er aufhebet ergreifft man mit der rechten handt ihn bei der Faust vnd mit der lincken schlegt man ihn in den Elbogen vnd beüget ihm den arm zurücke hinter sich vber das ihme das achssel gelencke brechen muß. N°8 Wan der ander wie vorgemeldet stosset ergreifft man ihn bei der Faust mit der lincken handt vnd erwischt mit der rechten vnden bei dem Elbogen [104r] vnd beüget ihm den arm wie zuuor zurücke vnd bricht ihm das achssel gelencke. N°9 Wan der ander von oben hinein stosset vmbgreifft man ihm den Tolch mit dem gantzen arm vnd nimbt ihm entweder den Tolch oder bricht ihm den arm entzwej. N°10 Wan derselbige so der stosset zur lincken handt sitzet vnd stosset vmbgreifft man ihm dem Tolch mit dem rechten arm vnd bricht ihm dem Tolch auß der Faust oder bricht ihm einen arm. N°11 Wan der ander wie vorgemeldet setzet vndt stosset ergreifft man mit der rechten handt ihn bei der Faust, dreiet sie ihm vmb vnd mit [104v] der lincken handt drucket man auf den Elbogen vnd bricht ihm den arm. N°12 Wan der ander wie vorgemeldet sitzet vnd stosset ergreifft man mit der rechten ihn bei der Faust vnd dreiet sie ihm vmb vnd erwischt man mit der Lincken handt ihn beim Halß vnd wirfft ihn vberhauffen. N°13 Wan der ander wie vorgemeldet stoß ergreifft man ihn mit bei den henden bei der Faust dreiet sie ihm vmb vnd bricht sie ihm im gelencke entzwej. N°14 Wan der ander stosset erwischt man ihn mit der rechten handt bei der Faust, dreiet sie ihm vmb vnd bricht ihm den Tolch auß der Faust. [105r] N°15 Wan der ander stosset, ergreifft man mit der rechten handt ihn bei der Faust, dreiet sie ihm vnder sich vmb vnd setzet ihm den lincken daum auf die Gurgel vnd wirfft ihn vber hauffen.
68r - 85v	Anonymous dussack devices  Images English Translation by Andy Taylor Transcription by Olivier Dupuis [68r] Separate Postures in Dussacken can be found here of which there are ten. [68r] Vnderschiedene entzeln Posturn im Dosacken der seind zehen. [69r] N°1 Lower short posture. [69r] N°1 Niederig kurtz Positur. [69v] N°2 Short lower posture. [69v] N°2 Kurtz niedrig Positur. [70r] N°3 Short posture [70r] N°3 Kürtz Positur. [70v] N°4 High posture. [70v] N°4 Hoch Positur. [71r] N°5 Short posture [71r] N°5 Kürtz Positur. [71v] N°6 Middle posture [71v] N°6 Mittelmessig Positur. [72r] N°7 High posture. [72r] N°7 Hoch Positur. [72v] N°8 High Posture. [72v] N°8 Hoch Positur. [73r] N°9 Long posture. [73r] N°9 Langk Positur. [73v] N°10 High posture. [73v] N°10 Hoch Positur. [74r] [No text] [74v] [No text] [75r] Im Dosacken konnen nachvolgende Stücke nützlich gebraucht werden deren seindt. [76r] N°1 Man kan sich kürtz legen, Wan der ander dan aufhebet zuschlagen, schmeist man mit aller macht einem binnen nach dem arm. [76v] N°2 Man kan sich kurtz legen vnd so balt der ander aufhebt zuschlagen, schmeist man mit aller macht einen Reuers vber den arm. [77r] N°3 Man kan sich vom andern wegkhawen Vnd wan er dan nach hewet, zeücht man kopff vnd Leib zurücke, Vnd thut mit einem langen tritt vnd gantzen Leibe einen Reuerß vnd kompt dieser Streich vber kopff vnd arm. [77v] N°4 Man kan sich in die hangende Wartung wan der ander den hewet verfellt man dieff vnder den Dosacken, vnd reist mit der Lincken handt des andern Dosacken weg vnd hewet einem geschwindt vber den kopff mit einem langen tritt. [78r] N°5 Man kan sich lang außlegen, Wan der ander dan schlegt, lest man ihn feÿl hawen vnd hewet geschwindt mit einem langen tritt nach vnd schmeist ihn vber den kopff. [78v] N°6 Wan sich der ander in ein Postur legt praesentirt man binnen vnd schmeist ihn baussen vber den arm. [79r] N°7 Man kan binnen einen schlag praesentiren vnd wan er vorfellt, fellt man mit einem langen tritt fort, vnd drücket ihm den arm wegk vnd schmeist ihn vber den kopff. [79v] N°8 So kan man praesentiren, alß wolt man vonoben hinein schlagen wan er dan hoch vorfellt, schmeist man mit dem krimmen orth von vnden dem andern ins gesichte, Vnd wan er schon im gesicht fallirt, So kompt er doch vber den arm. [80r] N°9 So kan man binnen einen schlag praesentiren, nach dem rechten arm vorführen vnd inwendig nach dem kopff gewchwindt schmeissen. [80v] N°10 So kan man praesentiren alß wolte man von vnden auf schmeissen, Wan er dan vorfellt drücket man mit der handt des andern Dosacken nieder vnd schmeist ihn geschwindt oben auf den kopff mit einem langen tritt. [81r] N°11 So kan man binnen hoch nach dem kopff praesentiren, Wan den ander dan vorfellt, schmeist man ihn mit aller macht in die rechte seiten. [81v] N°12 So kan man binnen praesentirn vnd außwendig verfürn vnd mit aller macht einem in die Lincke seiten oder auf den Lincken arm. [82r] N°13 So kan man hoch praesentiren, Wan er dan vorfellt schlegt man ihm ein Seardir vber den rechten Schenckell. [82v] N°14 So kan man binnen praesentirn baussen verfürn vnd einem geschwindt vber die Schinbein schlagen. [83r] N°15 Wan der ander sich vndenstehet ein zulauffen zeücht man ihm seinen arm vber den kopff, stellt ihm einen Fueß vnd wirfft ihn vberhauffen. [83v] N°16 Wan der ander einleüfft kan man ihm den Dosacken auß der handt reissen. [84r] N°17 Wan der ander einleüfft lest man den Dosacken fallen vnd ergreifft ihn vnden beim Leibe vnd wirfft ihn vber hauffen. [84v] N°18 Wan der ander einleüfft, reist man mit der rechten handt des andern Dosacken mit dem orth wegk, vnd ergreifft ihn mit dem lincken arm beim Halse stellt ihm einen Fueß vnd wirfft ihn vberhauffen. [85r] N°19 Wan der ander einleüfft reist man mit der lincken handt des andern Dosacken wegk vnd setzet ihm den rechten Elbogen vnder den Halß, stellet ihm einen Fueß vnd wirfft ihn vberhauffen. [85v]
106r - 116r	Anonymous grappling devices  Images English Translation Transcription by Olivier Dupuis [106r] Im Ringen vnd Werffen, konnen nach volgende Stück nützlich gebraucht werden, deren seindtachtzehen. [107r] N°1 So balt sich der ander vnder stehet einem beide arm zubegreiffen, so dreÿet man sich mit gantzem Leibe geschwindt vor ihme vmb. [107v] N°2 Wan sich der ander voriger gestallt sich vmbzudreyen vnder stehet ergreifft man ihn gar geschwinde in dem er sich vmbdreÿet beim Halst, stellet ihm einen Fuß vnd wirfft ihn vberhauff. [108r] N°3 So balt der ander einem beide arm vmbfasset, alßdan stost man ihn mit aller gewalt mit dem knie vors Gemechte. [108v] N°4 So balt der ander einen bei den armen ergreifft so schlegt man von baussen beide armen dem andern vber seine arme stellet ihm einen Fuß vnd wirfft ihn vber ein hauffen. [109r] N°5 Vnderstehet sich der ander vorgemeltes Stücke zugebrauchen so dreÿet man sich geschwindt vmb damit man von seinem Fusse ledig werde vnd ergreifft ihn beim Halse vnd wirfft ihn vberhauffen. [109v] N°6 So balt der ander einen bei den armen ergreifft So kann man von binnen warts seine beiden armen vber des andern arm schlagen vnd mit aller gewalt entweder von ihm Loss winden vnd mit dem knie mit aller gewalt vors gemechte stossen. [110r] N°7 Vnderstehet sich der ander sich vom andern loß zuwinden ergreifft man ihn geschwinde mit beiden Daumen in die augen, stellt ihm einen Fueß vnd wirfft ihn vber hauffen. [110v] N°8 So balt der ander einen bei dem arm ergreifft, so schlegt man ihm von baussen warts beide arm vber seine arm vnd beüget des andern rechten arm auf seine achssel vnd den lincken behelt man fest vnter seinem arm bücket sich mit ihm nieder stellt ihm einen Fuß vnd wirfft ihn vberhauffen. [111r] N°9 So balt der ander einem die arm ergreifft erwischt man ihn geschwinde wieder darbej vnd fellt auf den Rucken, setzet ihm den Fueß für das Gemechte vnd wirfft ihn also mit aller gewalt vber sich hinwegk. [111v] N°10 So balt sich der ander vnderstehet einem die arm zubegreiffen so erwischet man ihn ehe dan ehe einen fasset vnden bei dem Leibe vnd wirfft ihn vber das Lincke bein vber ein hauffen. [112r] N°11 Vnderstehet sich der ander einen dargestallt zufassen vnd werffen ergreifft man ihn mit der rechten handt vorn bei dem haar vnd mit der Lincken vnter den Halß vnd wirfft ihn von sich. [112v] N°12 Wan sich der ander vnderstehet einem den arm zubegreiffen erwischt man ihn geschwinde ehe dan ehe einen fasset vnden bei dem Leibe vnd wirfft ihn vber das rechte knie zu bodem. [113r] N°13 Vnderstehet sich nun der ander solchs zu vollenbringen, erwischt man ihn mit der Lincken Faust beim Haar vnd mit der rechten vnter den Halß vnd wirfft ihn von sich. [113v] N°14 Wan sich der ander im zugang mit den armen hoch in die hohe gibt, laufft man ihm mit aller macht mit dem kopff vors Gemechte vnd erwischt ihn in der knie kele mit beiden henden vnd wirfft ihn vber ein hauffen. [114r] N°15 Vnderstehet sich der ander mit dem kopff einen voriger gestallt zu lauffen vnd zu werffen, so erwischt man ihn geschwindt vnden bei dem Leibe vnd wirfft ihn zur Erden. [114v] N°16 Vnderstehet sich der ander den armen einem beim Leibe zuergreiffen so drücket man ihm geschwindt beide Daumen in die augen stellt ihm einen Fueß vnd wirfft ihn vber ein hauffen. [115r] N°17 Auff vorige gestallt kann man auch einem die Daumen hinter die Ohren drücken vnd vber ein hauffen werffen. [115v] N°18 So kann man auch wol auff vorige gestallt einen bei der Gurgel ergreiffen ihm einen Fueß stellen vnd vber hauffen werffen. [116r] N°19 Wan sich der ander mit dem armen hoch in die hohe gibt, setzt man ihm den kopff fürs gemechte vnd ergreifft ihn vnden bei den Schenckeln vnd wirfft ihn zurücke vbersich.

Gallery

Front Cover

Inside Cover

Ir

Iv

IIr

IIv

IIIr

IIIv

Folio 1r

Folio 1v

Folio 2r

Folio 2v

Folio 3r

Folio 3v

Folio 4r

Folio 4v

Folio 5r

Folio 5v

Folio 6r

Folio 6v

Folio 7r

Folio 7v

Folio 8r

Folio 8v

Folio 9r

Folio 9v

Folio 10r

Folio 10v

Folio 11r

Folio 11v

Folio 12r

Folio 12v

Folio 13r

Folio 13v

Folio 14r

Folio 14v

Folio 15r

Folio 15v

Folio 16r

Folio 16v

Folio 17r

Folio 17v

Folio 18r

Folio 18v

Folio 19r

Folio 19v

Folio 20r

Folio 20v

Blank

Blank

Blank

Blank

Folio 21r

Folio 21v

Folio 22r

Folio 22v

Folio 23r

Folio 23v

Folio 24r

Folio 24v

Folio 25r

Folio 25v

Folio 26r

Folio 26v

Folio 27r

Folio 27v

Folio 28r

Folio 28v

Folio 29r

Folio 29v

Folio 30r

Folio 30v

Folio 31r

Folio 31v

Folio 32r

Folio 32v

Folio 33r

Folio 33v

Folio 34r

Folio 34v

Folio 35r

Folio 35v

Folio 36r

Folio 36v

Folio 37r

Folio 37v

Folio 37ra

Folio 37va

Folio 38r

Folio 38v

Folio 39r

Folio 39v

Folio 40r

Folio 40v

Folio 41r

Folio 41v

Folio 42r

Folio 42v

Folio 43r

Folio 43v

Folio 44r

Folio 44v

Folio 45r

Folio 45v

Folio 46r

Folio 46v

Folio 47r

Folio 47v

Folio 48r

Folio 48v

Folio 49r

Folio 49v

Folio 50r

Folio 50v

Folio 51r

Folio 51v

Folio 52r

Folio 52v

Folio 53r

Folio 53v

Folio 54r

Folio 54v

Folio 55r

Folio 55v

Folio 56r

Folio 56v

Blank

Blank

Blank

Blank

Folio 58r

Folio 58v

Folio 59r

Folio 59v

Folio 60r

Folio 60v

Folio 61r

Folio 61v

Folio 62r

Folio 62v

Folio 63r

Folio 63v

Folio 64r

Folio 64v

Folio 65r

Folio 65v

Folio 66r

Folio 66v

Folio 67r

Folio 67v

Blank

Blank

Blank

Blank

Folio 68r

Folio 68v

Folio 69r

Folio 69v

Folio 70r

Folio 70v

Folio 71r

Folio 71v

Folio 72r

Folio 72v

Folio 73r

Folio 73v

Folio 74r

Folio 74v

Blank

Blank

Blank

Blank

Folio 75r

Folio 75v

Folio 76r

Folio 76v

Folio 77r

Folio 77v

Folio 78r

Folio 78v

Folio 79r

Folio 79v

Folio 80r

Folio 80v

Folio 81r

Folio 81v

Folio 82r

Folio 82v

Folio 83r

Folio 83v

Folio 84r

Folio 84v

Folio 85r

Folio 85v

Blank

Blank

Blank

Blank

Folio 86r

Folio 86v

Folio 87r

Folio 87v

Folio 88r

Folio 88v

Folio 89r

Folio 89v

Folio 90r

Folio 90v

Folio 91r

Folio 91v

Folio 92r

Folio 92v

Folio 93r

Folio 93v

Folio 94r

Folio 94v

Folio 95r

Folio 95v

Folio 96r

Folio 96v

Folio 97r

Folio 97v

Folio 98r

Folio 98v

Folio 99r

Folio 99v

Folio 100r

Folio 100v

Folio 101r

Folio 101v

Blank

Blank

Blank

Blank

Folio 102r

Folio 102v

Folio 103r

Folio 103v

Folio 104r

Folio 104v

Folio 105r

Folio 105v

Blank

Blank

Blank

Blank

Folio 106r

Folio 106v

Folio 107r

Folio 107v

Folio 108r

Folio 108v

Folio 109r

Folio 109v

Folio 110r

Folio 110v

Folio 111r

Folio 111v

Folio 112r

Folio 112v

Folio 113r

Folio 113v

Folio 114r

Folio 114v

Folio 115r

Folio 115v

Folio 116r

Folio 116v

Folio 117r

Folio 117v

Folio 118r

Folio 118v

Inside Cover

Back Cover