Wiktenauer logo.png

Page:MS Var.82 085r.png

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

lerer hanndt, mit der linckenn, vnnd mit deiner Rechtenn far bald durch sein pain mit dem knopf vor, vnnd begreif im das Recht pain mit deim degenn vnnd ruck starck ann dich mit deiner lincken han[dt] stos obenn vonn dir, so felt er auf den Ruck.[1]

Item die verfurung der dir denn obernstich versetzenn wil mit seiner linckenn handt, so merck wen du stichst, biß an die versatzung, so tuck den degen vnnd far vntenn durch, vnd far im also vmb denn hals, vnnd mit deiner linckenn handt greif vnten durch an denn ort vnd truck nider. Bruch, der dir vmb den hals gefarnn ist mit dem degenn so leg dein Rechte handt auf sein lincken arm, Vnnd dein lincke handt setz vnter sein Rechten Elnpogen vnnd heb starck auf damit, vnnd mit deiner Rechtenn hand truck starck nider so ist das gebrochenn.

Item sticht er denn obernnstich, vnnd du mit dem Rechtenn fus vorstehest, so versetz mit der Rechtenn hanndt, vnnd mit dem linckenn arm, falt starck vber sein Rechten, vnnd truck vbersich

  1. Unleserliche Worte oder Zeichen unterhalb der Zeile. Illegible words or signs beneath the line.