truck also gleich fur dich hin das der ort vbersich auf gehe, vnnd In wol in die Ring gesetzt.
Item vnnd ist er kurtzer dann du so las dein schwert mit der hanndt absinckenn, biß auf die Rechte hüf, vnnd also far vbersich auf mit dem ort, vnd vnter die ring wol gesatzt als vor, vnnd las in nicht abkummenn, vnnd wil er dann mitt dem kloß arbeittenn, so merck das nachfolgen mit dem ort, so kann er zu keinen dingenn kummen, vnnd das ist gut
Ein bruch wider die ansetzunng.
Item merck wider das annsetzenn in das gesicht, oder wo das sey, das prich also,
stich in vntenn in die handt, die er hat furgesatzt, auff der klingenn, vnnd fur in also aus dem kreiß,
Item oder stich in vber sein vorgesatzte handt, vnnd durch das schwert, vnnd truck den knopf nider zu der erdenn vnnd setz im an.
Item oder setz im an tzwischenn seinenn tzweien
