Itm~ auch soltu in der flu°chtt behende sin also daß du dich woll konest vmb gewinde~ in dem sattel von eÿner site~ zu der andern vnd mit dem hinder stechen zu beÿde~ site~ ~
Die swert nemen
Behalten lere one schemen
Item Hie merck wie dü eÿne~ sein Swert solt nemen vnd in dar zu behalte~ dz er sich nit geweren mag
Item Ruett zu der rechte~ site~ vnd such sin ploß wie du magst mit haulben vnd mit stechen versetz er vnd komet nohe an dich So begriff sine~ rechte~ arm hinder sin rechte~ hant mit diner lincken vnd verkerte~ hant vnd ruck dan vor dich vnd halt in fest heÿn pey vnd pÿge din lincke~ arm aß außwendig an siene~ wind sines swertz So müß er dz swertt loßen vnd wan du In also beÿ dem arm haltest So mustu In mit dem swertt oder mit dem schoff griff werffen wie du wilt oder mit dem zam fohenn ~
Figuã xxv
Item daß lernett die xxv figuã vnd Sprichtt Die messer nemen behaltent vnd gedencke ~
Den Vngenante~
den starcken
Ver wintt Ir stechen
Ir schlagen verdirpt on alles vechten
