Wiktenauer logo.png

Page:MS M.I.29 135v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Item vnter haulb wen er auff den buech felt

Item So fal ÿm mit dem recht Item knÿe ÿn das schlos vnd mit diner lincken hant griff vber sin hant fornen an daß visier vnd zuch vber sich / vnd mit dem knÿe drück wider / ist sin visier offen so griff mit den fingern in seÿn augen Oder griff mit beÿden henden an die hauben vnd ver dre mit dem hals so felt er wider auff den buch ~

Item Ein anders felt er auff den buch so fal auff sinen arm mit dem knÿe ym gelenck vnd brich vber sich

Item wen er auff den buech felt so sitz auff yn vnd schrenck vber sin arm vnd brich siye ~

Item sitz ÿm auff sin achsell schrittlingen vnd zuech vber sich

Item Sin rechten hant auff den ruck woll vor sich getruck ~

Die auff sten im kanpff

Item Grifft dir eÿner in dyn visier mit den fingern wan eß offen ist von vnden auff wen du auff dem buch leyst So schlag mit diner hant an seyn lincken ~

Oder mit diner rechten hant an seyn rechte hant vnd ruck an dich vnd druck din haupt zu der