Wiktenauer logo.png

Page:MS M.I.29 133v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Item Oder begriff mit der rechten hant vnd mit der lincken nÿm dz gewicht bÿ seynem enlbogenn ~

Nota

Item Rück in zü dir mit sÿner rechten hantt vnd begriff im den lÿp vnd gewind im die syten an vnd erheb Im vnd schlag im vnden auß sin fuß so felt er dz ist gutt

Item wan er sticht so stich mit Im glich zu siner lincken syten vnd begriff syn swertt zu dinem swertt mit der lincken hant vnd mit der rechten var vntten durch sin swertt vnd schlag dan mit beÿden swertternn ~

Item wen dir eÿner hat an gesetz vnd du Im auch das prich also / nohent Im als mit eym ringen mit der siten an dir vnd er dir hat angesetz vnd grifft mit diner lincken hant vorn an sin swertt / sin ort ruck yn noch dir so gewinstu im die siten an ~

Item stichstu eynem zu dem gesicht auß der andern hutt von der rechten siten vnd felt dir in din swertt als vor geschriben stot mit siner lincken hantt vor diner lincken So far auff mit der rechten hant vnd mit der lincken hant / leütt im sin schwertt auff vber sin lincken hant ab vnd setz Im an ~