sinem haupt fert er dan aber hoch vff mit den armen vnd will versetzen als vor so vnd merck in winden die will du gegem dem haupt bist winden vff sin messer aber vff sin lincke siten vnd schlag im die kurtz schnid an sin haupt dz der thüm vnten sÿ vnd leg vff der flecht des messers
versetz er dan den schlag felt darüff mit sinem messer zu dem haupt so riß wider behendeglichen an sin messer zu dem haupt aber mit der kurtzen schniden hat er dz auch versetz so wind wider vff die lang schnid gegem sinem haupt vnd loß den ort aber fallen vff din lincke siten vnd zu sw siner rechten siten In die kellen oder prüst ~ ~
Sequitur im winden wilt verfuren
Im winden wilt verfuren
Zwueffach soltu dupliren
Wiltu dich bas rechen
Durch die wangen ler stechen
Hie saget der meinster Wie man vß der krümen sol dupliren Wiltu im dz dupliren machen So thün im also so ir nü beÿd habt an gebünden vnd er ligt dir vff diner rechten siten vnd du im vff siner lincken siten vnd du ligst mit dinem messer vff dem synen dz der
