dem peÿnd haut er dir dan zu diner lincken siten der bloß noch indes pulbg von diner rechten siten vff din lincke din messer Vnd spring woll vff in vnd leg din lincke hant fest an syn rechte vnten Indes far mit dem gehultz auch vber syn rechte hant auch Inlbindig vber syn gelenck der hant vnd reiß starck vff din rechte siten so nÿmbstu im dz messer ~
Item eyn ander bruch wider dz gemelt stuck ist also zu machen so er din hant also beschlosen hat als oben statt geschriben so senck dyn messer gegen diner lincken syten vff dz syn vnd far mit dinem lincken arm vber beydt messer vnd rieß Indes vff din lincke syten so nÿmpstu im aber syn messer oder rieß vnttersich mit dem messer als du vor gehoertt hast ~
Sequitur gestu an bere were
Gestu anbere were
Wurstu vber lauffen gefere
