Wiktenauer logo.png

Page:MS KK5126 128r.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

das vierd stuck

Hat er denn tegen aber das die scheybenn oben bey den daumen stet vnd sticht dir zw der seyten oder zw dem gemacht so far mit deiner tenncken hand vonn oben nyder vnd stich mit deinem degen vnder sein rechte hannd vnd druck mit deiner tenncken hannd vndersich vnd mit deiner Rechtn hand vbersich heb vnd druck vast an dein brust vnd swing dich von im auf sein rechte seyten

Das funft stuck

Hat er denn degn geuast das dy scheybn oben an dem chlainen finger stet vnd sticht er dich aber vonn oben nyder so fass dw deinen tegen auch also vnnd stich den von vnden auf von deiner tencken seyten gegn seinem stich vnd vber sein rechte hand vnd greyff den mit deiner tenncken hand vber dein rechte hannd in der tegen chlingen vnd druck denn arm vast zw samen vnd druck in vast vndersich das ist das versliessenn

das sechst stuck

Hast dw er // den tegen sein gezogenn vnd dw deinen nit vnd sticht dir obenn zw so far mit deinem rechtn arm von vndenn auf vnd greyff in mit deiner rechtn hand hinder seiner rechtenn vnd far mit deiner tencken hand von vnden auf an seinem rechtenn elpogenn vnd nym ym das gewicht oder stös im den arm gar vber den tencken arm vnd wurff tausess ader // // sibene /

Das sibent

Hat er seinen tegenn ee gezogenn denn dw deinen sticht er oben zw so vach denn stich in dein tenckenn arm vnd vor Im beg auswendig vber sein rechten arm vnd truck In In dein tencke seyten vnd swing dich von im auf dein rechte seytenn vnd prich dw im den arm wildw in werffen auf den ruck so spring mit deinem rechten pain auf dein tencke seytenn vnd greyff mit deiner rechtn hannd vber seinen rechten arm so wurfst dw In vber die huff

das sibent achtet

Hat er aber den degen gezogen vnd dw den deinen nit so ste freylich vor im vnd mach den spannen sticht er dich dann obenn zw so arbait im nach dem gewicht