This page needs to be proofread.
Unnd painprüch, Unnd knÿestös, unnd hoden stös, und vinnger lösunng, Unnd augen griff, Mit disn stuckn soll ein starcker also verschlossen werden, das er seiner sterck mit wol wirt mugen gnissn, Und das merckh in deh negst nachgschribnen rinngen.
Volgt das erst ringen
Merck velt er dich ann mit sterckh, unnd wlil dich zu im ruckhen, Oder vonn im stossen, So schlag deinn rechtn arm aussen Uber seinn linncken Vorn peÿ seiner hannt, Unnd druckh seinn arm ann dein brust, mit baiden hennden, Unnd spring mit deinem rechtn fuess hinnter seinn linncken, Unnd wirf in aus dem fues yber das knie.[1]
- ↑ Wie hienach conterfct written below in a different hand.
