Wiktenauer logo.png

Page:MS Dresd.C.94 326r.png

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Item Ist er nit starckh unnd kumpt mit Seinner lincken seitten an dein rechte unnd greifft mit seinner lincken hand nach deinner lincken, so far vonn unden auf hinnder dich uber sein linncken und reckh den gerichts auf unnd truckh Im damit den seinnen fast hinden beij seinem nacken. Unnd reitt fur dich

Item wiltu den Arm nit aufrecken, so schlag In uber seinn Arm unnd truckh fast nider

Item auch magstu mit deinnem rechten Arm von Inwendig auff uber sein lincken schlagen, unnd hinden an dich trucken, und hinwecckh reitten.

Willtu dich aber massen
das fahens leicht von dir lassen
Rinngest dann fur
gefanngen hin on schnur

Item das Ringen heist das verporgen Ringen, und ist der pösten ains wann es gleich ain schopffgriff werr wann du damit ainnen haltest er seij starck oder schwach, unnd magst In allso hallten das er sich nit weren mag wie lanng du willt, wann du In anderst recht begreifft