Item ob dych das ubertragen, das du im dy hanth noch zaum nith erlangen magest, so hau im noch dem rechten beyn in dem hyn reyten etc
figura
Item das lerth dye sybende fygura hye heb an den man taschen haunn zu suchen etc
Item wen du im den hau versezet hast wye vor und wylt den vorigen stuck nycht brauchen, so far im mith dem knopff in wendyg uber seyne rechte hant bey dem gehyltz und truckt dy vast an deyn brust und reytt vor dych, so nymstu im das schwerth, und dy stuck treyb aus der obern huth von der rechten seyten
Ler wol schuttenn
alle treffen anne for, damit im not
an sez, ver=
streiff heng im zu dem hor
Item merg, wye du den man zwyngen solt, das du im eyn vorteyl an gewynst und das du im mit sterck da zwyngst, du im mit, das er sych mus plos geben, das weyst dye 5 fygura aus etc
figura
Item das ist, das du inn allen anbynden solt starck seyn mit der gleffen und mit dem schwert, albeg mit dem ort das gesychts reymen, das lert neynzehende fygura,
das schuten vor henck alle s treffen, hauen und stechen
Item wan du starck pyst, so merckstu wol, abe er hert oder schwach ist, und das ist das fyllen oder entpfynden
Item hau im eyn ober hau zu dem kopff starck, versez er und ist weych am schwert, so sez im den ort an, sez er den ort ab auff seyn lyncke seyten,
