Item dye vyrde huth
wan du hast eyn halbe gleffen und er eyn ganze und du mith imm zu samen reytest, so las den zaum varen und leit im mith der lincken hant seyn gleffen ab und reyt vor dych und sez im an
figura
Item darumb sphrycht dye zwelfft fygur mit lerer hant 1er zwen streych gegen aller wern
Item du magest dye halbe gleffen auch mith beyden henden in der mith halten und do mit abe seze gleych als mith der langen
Hau drein nit zugk
von cheiden linck in inn ruck
greiff in sein rechtenn
so vehest du in on vechten
Merk, ob ir beyde in dem an reyten feilet der gleffen, so las zu hanth deynn gleffen fallen und reyt zu seyner rechten [1] seyten, und zeych weder schwert noch messer, wyrff deyn ros umb, also das du mit deynner lincken seyten komest an seyn rechte und wart vor auff seyn[2] rechte hanth
Item wen du neben in komest und hat er seyn schwert gezogen und wyl schlagen, so greyff in mith der lincken hant an den elbogen, und stos in oben von dyr und erheb in mit deynem lincken fus seyn rechte seyten, so felth er
